ކިމް ބުނި ގޮތުގައި ކަންޔޭ އާންމުކޮށް ދައްކާ ވާހަކަތަކުގެ ސަބަބުން ބައެއް ފަހަރު އޭނާގެ ކެތްތެރިކަން ކޮޅުންލައިގެން ގޮސް، އެކަމަށް ރައްދު ދޭން ބޭނުންވެއެވެ. ނަމަވެސް މަސްލަހަތަށްޓަކައި ހަނު ހުންނަނީ ކަމަށް އޭނާ ހާމަކުރިއެވެ.
ކަންޔޭ މީގެ ކުރިން ސޯޝަލް މީޑިއާގައި ބުނެފައި ވަނީ އޭނާގެ ދަރިންނާ ބައްދަލުކުރުމުގެ ފުރުސަތު ކިމް ނުދޭ ކަމަށެވެ.
ކިމް އިތުރަށް ބުނި ގޮތުގައި ކަންޔޭގެ ފަރާތުން ހަބަރެއް ނުވާތާ މިހާރު މަސްތަކެއް ވެއްޖެއެވެ. އޭނާގެ ބޭނުމަކީ ކުދިންނަށް ރައްކާތެރި މާހައުލެއް ހޯދައިދިނުން ކަމަށާއި، ކުދިންގެ ޝެޑިއުލްއާ އެއްގޮތަށް ކަންކަން ކުރިއަށް ގެންދިއުމަކީ މަންމައެއްގެ ހައިސިއްޔަތުން އޭނާގެ ޒިންމާއެއް ކަމަށް ކިމް ފާހަގަކުރިއެވެ. ކަންޔޭގެ ވާހަކަތަކަށް ރައްދު ނުދީ ހުންނަނީ ކުދިންނަށްޓަކައި ކަމަށްވެސް އޭނާ ބުންޏެވެ.
