Advertisement

 މިއީ މިދިޔަ އަހަރާއި އަޅާބަލާއިރު %10.1 އިތުރު އަދަދެއް ކަމަށާއި މިދިޔަ އަހަރުގެ މި މުއްދަތުގައި ރާއްޖެ އައިސްފައިވަނީ 1،871،368 ފަތުރުވެރިން ކަމަށް އެ މިނިސްޓްރީން ބުނެ އެވެ.

އެންމެ ގިނައިން ފަތުރުވެރިން އައި 5 ގައުމު ތަކަށް ބަލާ އިރު ޗައިނާއިން 316،147 ފަތުރުވެރިން، ރަޝިއާ އިން 258،253 ފަތުރުވެރިން، އިނގިރޭސިވިލާތުން 184،785 ފަތުރުވެރިން، ޖަރުމަނުވިލާތުން 155،309 ފަތުރުވެރިން އަދި އިޓަލީވިލާތުން 134،455 ފަތުރުވެރިން އައިސްފައިވާ ކަމަށް އެ މިނިސްޓްރީން މައުލޫމާތުދެ އެވެ.

ފަތުރުވެރިން މޫދުގައި

ރާއްޖެއައި ފަތުރުވެރިންގެ ތެރެއިން އެންމެ ގިނަ ފަތުރުވެރިން ޗުއްޓީ ހޭދަކޮށްފައިވަނީ ރިސޯޓްތަކުގައި ކަމަށް އެ މިނިސްޓްރީގެ ތަފާސް ހިސާބުން ތަކުން ދައްކަ އެވެ. އެ ގޮތުން 1.5 މިލިޔަނަށްވުރެ ގިނަ ފަތުރުވެރިން ރިސޯޓްތަކުގައި ޗުއްޓީ ހޭދަ ކޮށްފައިވާ ކަމަށް އެ މިނިސްޓްރީން ބުނެ އެވެ. މިއީ ރާއްޖެއައި ފަތުރުވެރިންގެ %73.6 އެވެ.

2 ވަނައަށް އެންމެ ގިނަ ފަތުރުވެރިން ޗުއްޓީ ހޭދަކުރީ ގެސްޓްހައުސްތަކުގަ އެވެ. އެއީ 4 ލައްކައަށްވުރެ ގިނަ ފަތުރުވެރިންނެވެ. އަދި ހޮޓެލްތަކުގައި 53،000 އަށްވުރެ ގިނަ ފަތުރުވެރިން ޗުއްޓީހޭދަކޮށްފައި ވެއެވެ.