އެމަނިކުފާނު މިކަން އިއުލާން ކުރެއްވީ މިއަހަރުގެ މަސްވެރިންގެ ދުވަސް ފާހަގަކުރުމަށް މިހާރު ރ. ދުވާފަރުގައި ބާއްވާ ޖަލްސާގައި ވާހަކަ ދައްކަވަމުންނެވެ.
ރައީސް މުއިއްޒު ވިދާޅުވީ މީގެ ކުރިން އެންމެ މަތީ އަގުގައި ގަންނަމުން އައީ ދޮޅު ކިލޯގެ މަސްކަމަށެވެ. އެހެންނަމަވެސް މާދަމާއިން ފެށިގެން އެންމެ މަތީ އަގުގައި ގަންނަމުން އަންނާނީ އެއްކިލޯގެ މަސް ކަމަށެވެ. އަދި އެއްކިލޯގެ މަސް ގަންނަ އެންމެ ދަށް އަގަކީ 16 ރުފިޔާއަށް ކަނޑައެޅިކަން ރައީސް މުއިއްޒު އިއުލާންކުރެއްވިއެވެ.
ސަރުކާރުން މަހުގެ އަގަށް ބަދަލު ގެނައުމުގެ މަސައްކަތް ކުރަމުން އަންނަކަމަށާއި މަސް ކިރާ ކައްޓާތައް ޑިޖިޓަލައިޒްކުރުމަކީވެސް އެ މަސައްކަތުގެ ދަށުން މިރޭ އިފްތިތާހު ކުރެވުނު ކަމެއްކަމަށެވެ. އަދި އެކަން އެގޮތަށް ފެށުމުން ފައިސާ ސަލާމަތްކުރެވި މަހަށް ދޭ އަގު ބޮޑުކުރަމުން ގެންދެވޭނެކަމަށް ރައީސް ވިދާޅުވިއެވެ.
މަސް ގަންނަ އެންމެ މަތީ އަގަކީ 20 ރުފިޔާކަމުގައި ކަނޑައެޅުމަކީ ރައީސް ޑރ. މުހައްމަދު މުއިއްޒުގެ ރިޔާސީ ވައުދެކެވެ.
