ފުލުހުން ބުނީ މި ހާދިސާ ހިންގާފައި ވަނީ މިދިޔަ މަހު ކަމަށެވެ. މި ފައިސާ ސްކޭމަރުން އަތުލައިގެންފައި ވަނީ އެ ރިސޯޓުގެ ވިޔަފާރި ބޭނުންތަކަށް ބޭނުންކުރާ ރަސްމީ އީމެއިލް އެކައުންޓެއް ހެކްކޮށްގެން ކަމަށް ފުލުހުން ބުނެއެވެ.
ސްކޭމަރުން އެ ރިސޯޓުން 250،000 ޑޮލަރު (3.8 މިލިޔަން ރުފިޔާ) އަތުލައިގެންފައިވާކަމަށް ފުލުހުން ބުނެއެވެ. އަދި އެ ފައިސާ އެމެރިކާގެ ބޭންކެއްގައި ބަހައްޓާފައި ކަމަށާއި އއެ ފައިސާ ހޯދުމަށް ފުލުހުން ވަނީ އިންޓަޕޯލްގެ އެހީ ހޯދާފައިވާކަމަށް ފުލުހުން ބުނެއެވެ.
މީގެއިތުރުން ވިސާ ހައްދައިދޭނެ ކަމަށް ބުނެ، ވަރަށް ފަހުން ބޭރު ބައެއްގެ އަތުން ވެސް ފައިސާ އަތުލި ކަމަށް ފުލުހުން ބުނެއެވެ. އެހެންނަމަވެސް އެ މީހުން ރާއްޖެ އައިރުވެސް ވިސާ ހެދިފައެއް ނެތް ކަމަށް ފުލުހުން ބުނެއެވެ.
