ހުޅުމާލޭ ފުރަތަމަ ފިޔަވަހީގެ ރައްޔިތުންނާ ބައްދަލުކުރައްވައި ރައީސް ރޭ ވިދާޅުވީ، ރިޓަޔާކޮށްފައިވާ މީހުން އައްޔަންކުރުމުން، ޚަރަދުތައް އިތުރުވާ ކަމުގެ ކަންބޮޑުވުން ރައްޔިތުންގެ ފަރާތުން އަންނަ ކަމަށެވެ.
ރައީސް ވިދާޅުވީ، ރިޓަޔާކޮށްފައިވާ މީހުން އެފަދަ މަގާމުތަކަށް އައްޔަންކުރައްވަނީ އެއީ އަޚުލާގީ ގޮތުން ރަނގަޅު، ނަޒާހާތްތެރިކަން ހުރި، ހިންގުންތެރި، ގާބިލު ބޭފުޅުންނަށް ވުމުން ކަމަށެވެ.
އެކަމަކު ރައީސް މުއިއްޒު ވިދާޅުވީ އެ ބޭފުޅުންނަށް ރިޓަޔާމަންޓް އެލަވަންސްގެ އިތުރުން މަގާމަށް ވަޑައިގަތުމުން ލިބޭ މުސާރަ އެކުގައި ލިބުމަކީ ރަނގަޅު ކަމެއް ނޫން ކަމަށް ގަބޫލުފުޅު ކުރައްވާ ކަމަށެވެ.
މި ސަރުކާރުގައި ސިޔާސީ މަގާމުތައް ގިނަކަމާއި، ހިންގުމުގެ ޚަރަދުތައް ބޮޑުވުމުގެ ކަންބޮޑުވުންތައް ވަނީ އިތުރުވެފައެވެ.
