މައުލޫމާތު ލިބިފައިވާ ގޮތުގައި ފައްތާހު ނިޔާވީ ހާޓް އެޓޭކެއް ޖެހިގެން ހއ. ދިއްދޫގައި ހުންނަ އަތޮޅު ހޮސްޕިޓަލުގައި ފަރުވާދެމުންދަނިކޮށެވެ.
ފައްތާހަކީ ހއ. ކެލަ އަށް އުފަން މީހެކެވެ.
ފައްތާހު ނިޔާވި އިރު، އޭނާ އައީ އަންނަ އަހަރު އެޕްރީލް މަހުގެ ހަތަރު ވަނަ ދުވަހު ބާއްވާ ލޯކަލް ކައުންސިލް އިންތިހާބުގައި ކެލާ ކައުންސިލްގެ ރައީސް ކަމަށް ވާދަކުރުމަށް ތައްޔާރުވަމުންނެވެ. އޭނާއަށް ވަނީ ސަރުކާރު ހިންގާ ޕާޓީ ޕީއެންސީގެ ޓިކެޓު ވެސް ލިބިފަ އެވެ.
ފައްތާހު ފޭސްބުކްގައި ކުރިން ކުރި ޕޯސްޓެއްގައި ބުނީ ކެލާ ކައުންސިލް ރައީސް ކަމަށް ކުރިމަތިލަނީ ރައްޔިތުންނަށް ހެޔޮ ވެރިކަމެއް ކޮށްދިނުމުގެ ވިސްނުމުގައި ކަމަށެވެ.
ފައްތާހް، 54، ގެ އެންމެ ކާމިޔާބު ފިލްމުތަކުގެ ތެރޭގައި "ވެހޭ ވާރޭ ތެރެއިން"، "އޭނާ" އަދި "ޖިންނި" ހިމެނެ އެވެ. އޭނަ ގެނެސްދިން މަގުބޫލު ސިލްސިލާތަކުގެ ތެރޭގައި "ދޯޕައްޓާ"، "ތިއޭ މި ހިތުގެ ވިންދަކީ" އަކީ "ހިނިތުންވެލާށޭ ކަލާ" ފާހަގަކޮށްލެވެ އެވެ.
