ބްރޯޑްކާސްޓިން ކޮމިޝަންގެ ކުރީގެ މެންބަރު، މުހައްމަދު ފަޒީންގެ މައްޗަށް މުވައްޒަފަކަށް ޖިންސީ ފުރައްސާރަ ކުރިކަމުގެ ތުހުމަތުގައި ދައުވާކޮށްފި އެވެ.
Advertisement
ރިޕޯޓްތައް ބުނާ ގޮތުން ފަޒީންގެ މައްޗަށް ޖިންސީ ގޯނާކުރުމާއި ގައިގައި އަތްލުމުގެ ދައުވާވަނީ އުފުލާފަ އެވެ.
ބްރޯޑްކޮމްގެ މުވައްޒަފަކަށް ފަޒީން ފުރައްސާރަކުރި މައްސަލަ ފެންމަތިވީ މިދިޔަ އަހަރުގެ ކުރީކޮޅެވެ. އެކަމާ ގުޅިގެން ފަޒީން ވަކިކުރުމުގެ މަސައްކަތް މަޖިލީހުން ފަށާފައި ވަނިކޮށް އޭނާ މަގާމުން އިސްތިއުފާ ދެއްވައިފަ އެވެ.
ފަޒީން އަށް ކުރެވޭ ތުހުމަތުތަކާ ގުޅިގެން އޭނާގެ ވަކީލު ނެރުއްވި ބަޔާނުގައި ބުނީ ޖިންސީ ފުރައްސާރަކުރި ކަމަށް ބުނާ މައްސަލަ ތަހުގީގު ކުރުމުން ވެސް "ބުނި ބުނުން" ފިޔަވައި ގުޅުވާލެވޭނެ އިތުރު އެއްވެސް ހެއްކެއް އަދި ގަރީނާއެއް ވެސް ދެއްކިފައި ނުވާ ކަމަށެވެ
