ފުލުހުން ބުނީ އެއާޕޯޓައި ހަމަނުޖެހުން ހިންގިކަމުގެ މައުލޫމާތު ރޭ 12:15 ކަންހާއިރު ފުލުހަށް ރިޕޯޓްކޮށްފައިވާ ކަމަށާއި އެ ހަމަނުޖެހުން ހިންގިކަމަށް ތުހުމަތު ކުރެވޭ މީހުން ހާޒިރުކޮށް މައުލޫމާތު ނަގައި ނަސޭހަތްތެރިވެފައިވާ ކަމަށެވެ.
އަދި މިކަމާ ގުޅިގެން އިތުރަށް ބަލަން ޖެހޭ ކަންކަން ބަލަމުން އަންނަ ކަމަށް ވެސް ފުލުހުން ބުންޏެވެ.
އެއާޕޯޓުގައި މާރާމާރީ ހިންގި މީހުންގެ ގައުމެއް އަދި އެ މީހުންނާ ގުޅޭ އެއްވެސް މައުލޫމާތެއް ފުލުހުން ހާމައެއް ނުކުރެ އެވެ. އާންމުކޮށްފައިވާ ވީޑިއޯ އިން ފެންނަ ގޮތުގައި، އެެއާޕޯޓުގައި ޓެކްސީ ކިއޫ އޮންނަ ސަރަހައްދުގައި ހުރި މީހަކު ފުންމައިގެން ގޮސް އެހެން މީހެއްގެ ގައިގައި ފައިން ވަރަށް ބާރަށް ޖަހަ އެވެ.
