އައިލެންޑް ރެކްރޫޓްސް އިން 2023 ވަނަ އަހަރު ބިންގާ އެޅި މި ޕްލެޓްފޯމް އަކީ، ރާއްޖޭގެ ފަތުރުވެރިކަމާއި ފަތުރުވެރިކަމާ ގުޅުންހުރި ދާއިރާތަކަށް ހާއްސަކޮށްގެން ފަރުމާކޮށްފައިވާ ވަޒީފާގެ މަރުކަޒެކެވެ. މިއީ ވަޒީފާ ހޯދާ ފަރާތްތަކާއި، ވަޒީފާ ދޭ ފަރާތްތައް އެއް ފުރާޅެއްގެ ދަށުން ގުޅުވައިދޭ، ދެފުށް ފެންނަ އަދި ހަރުދަނާ ނިޒާމެކެވެ.
މި ޕްލެޓްފޯމުގެ ތެރެއިން ލަގްޒަރީ ރިސޯޓުތަކުން ހުޅުވާލާ ލީޑަރޝިޕް ފުރުސަތުތަކާއި ގެސްޓްހައުސް، ރެސްޓޯރަންޓް، އަދި ފަތުރުވެރިކަމުގެ ދާއިރާގައި ހިމެނޭ އެހެނިހެން ތަންތަނުގައި ހުރި ފުރުސަތުތައް ފަސޭހަކަމާއެކު ބަލައިލެވޭނެ އެވެ. މި ޕްލެޓްފޯމުން ވަޒީފާގެ ފުރުސަތުތައް ހޯދުމާއި ވަޒީފާތަކަށް ކުރިމަތިލުން ފަސޭހަވެގެންދާނެ އެވެ.
އިތުބާރު ހިފޭ ވަޒީފާގެ މާހައުލެއް ބިނާކުރުމަށްޓަކައި، ރުކުރި މެދުވެރިކޮށް ވަޒީފާ ހޯދާ ފަރާތްތަކުގެ މަސައްކަތުގެ ތަޖުރިބާ ޔަގީން ކުރެވޭ ގޮތް ހަދާފައިވާއިރު، ރެފަރެންސް ޗެކްކުރުމާއި ޕްރޮފައިލް ވެރިފައި ކުރެވޭ ނިޒާމުވެސް ވަނީ ހަމަޖައްސާފަ އެވެ.
އައިލެންޑް ރެކްރޫޓްސްގެ މި މަސައްކަތަކީ ރާއްޖޭގެ ޓޫރިޒަމް ދާއިރާ އިތުރަށް ހަރުދަނާކޮށް، ވަޒީފާގެ ބާޒާރު ޒަމާނީ ފެންވަރަކަށް ބަދަލު ކުރުން ކަމަށް އެ ކުންފުނިން ބުންޏެވެ.
