Advertisement

ިލެކްޝަންސް ކޮމިޝަނުން ބުނީ ވަގުތު ހަމަވިއިރު ލޯކަލް ކައުންސިލްތަކުގެ އިންތިހާބުގައި ވާދަކުރަން 1،936 މީހުން ފޯމު ހުށައެޅިކަމަށެވެ. އެހެންނަމަވެސް އޭގެތެރެއިން އިންތިހާބަށް ޝަރުތު ހަމަވީ 1،610 މީހުންކަމަށް އީސީން ބުނެއެވެ.

އީސީން ބުނީ އަންނަ ލޯކަލް ކައުންސިލް އިންތިހާބުގައި 6 ސިޔާސީ ޕާޓީއަކުން 1210 ކެންޑިޑެޓުން ވާދަކުރާކަމަށެވެ. އަދި އަމިއްލަ ގޮތުން 401 ކެންޑިޑޭޓުން ވާދަކުރާކަމަށް އީސީން ބުނެއެވެ. ސީޔާސީ ޕާޓީތަކުން އެންމެ ގިނަ ކެންޑިޑޭޓުން ވާދަކުރަނީ ވެރިކަން ކުރާ ޕީއެންސީއިންނެވެ.

ލޯކަލް ކައުނސިލް އިންތިހާބުގައި ވާދަކުރާ ޕާޓީތަކާއި ކެންޑިޑޭޓުންގެ އަދަދު

• ޕީއެންސީ 665 ކެންޑިޑޭޓުން
• އެމްޑީޕީ 495 ކެންޑިޑޭޓުން
• ޖުމްހޫރީ ޕާޓީ 8 ކެންޑިޑޭޓުން
• މޯލްޑިވްސް ޑިވެލޮޕްމެންޓް އެލަޔަންސް 31 ކެންޑިޑޭޓުން
• ދަ ޑިމޮކްރެޓްސް 8 ކެންޑިޑޭޓުން
• އަދާލަތު ޕާޓީ 3 ކެންޑިޑޭޓުން

އަންހެނުން ތަރައްގީއަށް މަސައްކަތް ކުރާ ކޮމެޓީގެ އިންތިހާބުގައި 5 ސިޔާސީ ޕާޓީއަކުން 1116 މީހުން ވާދަކުރެއެވެ. އަދި އަމިއްލަ ގޮތުން ވާދަކުރަނީ 267 ކެންޑިޑޭޓުން ނެވެ.

އަންހެނުންގެ ތަރައްޤީއަށް މަސައްކަތްކުރާ ކޮމިޓީތައް

• ޕީއެންސީ 658 ކެންޑިޑޭޓުން
• އެމްޑީޕީ 417 ކެންޑިޑޭޓުން
• ޖުމްހޫރީ ޕާޓީ 7 ކެންޑިޑޭޓުން
• މޯލްޑިވްސް ޑިވެލޮޕްމެންޓް އެލަޔަންސް 28 ކެންޑިޑޭޓުން
• އަދާލަތު ޕާޓީ 6 ކެންޑިޑޭޓުން

ކައުންސިލްތަކުގެ އިންތިހާބާއި އަންހެނުންގެ ތަރައްގީއަށް މަސައްކަތްކުރާ ކޮމިޓީގެ އިންތިހާބު 2026 ގައި ވޯޓު ދިނުމުގެ ހައްގު ލިބިފައިވަނީ ޖުމްލަ 294،937 މީހުންނަށެވެ. އޭގެތެރޭގައި ހިމެނެނީ 144،527 އަންހެނުންނާއި 150،410 ފިރިހެނުންނެވެ.

އަންނަ އޭޕްރީލް 4 ގައި ބާއްވަން ނިންމާފައިވާ ލޯކަލް ކައުންސިލް އިންތިހާބު އަދި އަންހެނުންގެ ކޮމެޓީތަކަށް އިންތިހާބުކުރާނީ، ކޮންމެ ތަނަކަށް 681 މީހުންނެވެ. އެއީ، ދެ އިންތިހާބުގައި ޖުމްލަ 1،362 މީހުންނެވެ.