އަންނަ އޭޕްރިލްމަހު ބާއްވާ ލޯކަލް ކައުންސިލް އިންތިހާބުގެ ޓައިލް ލައިން އިލެކްޝަންސް ކޮމިޝަނުން ވަނީ އާއްމުކޮށްފައެވެ. އެ ޓައިމް ލައިންގައިވާ ގޮތުން އިންތިހާބުގައި ވާދަކުރާ ކެންޑިޑޭޓުންގެ ނަންތައް އާއްމުކުރާނީ އަންނަ ހަފްތާގައެވެ.
އިންތިހާބުގެ ޓައިމް ލައިން
ލޯކަލް ކައުންސިލް އިންތިހާބާއި އަންހެނުން ތަރައްގީއަށް މަސައްކަތް ކުރާ ކޮމެޓީގެ އިންތިހާބުގައި އެންމެ ގިނަ ކެންޑިޑޭޓުން ވާދަކުރަނީ ވެރިކަން ކުރާ ޕީއެންސީކަމަށް އީސީން އިއްޔެ ވަނީ ބުނެފައެވެ. ދެން އެންމެ ގިނައީ އިދިކޮޅު މައި ޕާޓީ އެމްޑީޕީގެ ކެންޑިޑޭޓުންނެވެ. ލޯކަލް ކައުންސިލް އިންތިހާބުގައި 6 ސިޔާސީ ޕާޓީއަކުން 1210 ކެންޑިޑޭޓުން ވާދަކުރާކާކަމަށް އީސީން ބުނެއެވެ. އަދި އަމިއްލަ ގޮތުން 401 ކެންޑިޑޭޓުން ވާދަކުރާކަމަށް އީސީން ބުނެއެވެ.
