އެމެރިކާގެ "އެމެރިސްލީޕް" އިން ހެދި ދިރާސާއަކުން ދައްކާ ގޮތުގައި، އެންމެ ހަފުތާއެއް ވަންދެން ނުދޮވެ ބާލީހު އުރަ ބޭނުންކުރުމުން، އޭގައި އާދައިގެ ފާހާނާ ތަށްޓެއްގައި ހުންނަ ވަރަށްވުރެ 17،000 ގުނަ އިތުރަށް ބެކްޓީރިއާ އުފެދެއެވެ. ސަބަބަކީ އިންސާނާ ނިދާފައި އޮންނައިރު ހަށިގަނޑުން ބޭރުވާ ދާ، ކުޅު، އަދި މަރުވެފައިވާ ހަމުގެ ސެލްތައް އޭގައި ޖަމާވުމެވެ. މިއީ ލޮލަށް ނުފެންނަ ކުދި ސޫފިތައް ކަމަށްވާ "ޑަސްޓް މައިޓްސް" އަށް އެންމެ މީރު ކެއުމެވެ.
މިކަމާ ގުޅޭގޮތުން މަޝްހޫރު ޑާމަޓޮލޮޖިސްޓެއް ކަމަށްވާ ޑރ. ޖޯޝުއާ ޒައިކްނާ ވިދާޅުވީ، މޫނުގައި ބިހި ނެގުމުގެ އެންމެ ބޮޑު އެއް ސިއްރަކީ ހަޑިކޮށް ހުންނަ ބާލީސް ކަމަށެވެ.
ސިއްހީ މާހިރުން ލަފާދެނީ، މޫނުގެ ހަންގަނޑު ރީތިކޮށް ބެހެއްޓުމަށާއި ނޭވާލާ ނިޒާމުގެ އެލާޖިކްތަކުން ދުރުވުމަށްޓަކައި، ގިނަވެގެން ކޮންމެ 2 ނުވަތަ 3 ދުވަހަކުން ބާލީހު އުރަ ބަދަލުކުރުމަށެވެ. އަދި ހަފުތާއަކު އެއްފަހަރު ހޫނު ފެނުން ދޮވުމަކީ ބެކްޓީރިއާތައް މަރާލުމަށް އެންމެ ރަނގަޅު ގޮތެވެ.
