ފުލުހުން ބުނީ މަގުމަތީގެ ސަލާމަތާއި ރައްކާތެރިކަން ކަށަވަރުކޮށް މަގުމަތި ތަރުތީބުކުރުމަށް އެ އިދާރާއިން ކުރަމުންދާ މަސައްކަތުގައި ފާއިތުވި 48 ގަޑިއިރުގެ ތެރޭގައި ހުޅުމާލެއިން އެކަނި 26 އުޅަނދެއް ޓޯކޮށްފައިވާކަމަށެވެ.
އެގޮތުން ދެ ފުރޮޅުލީ 23 އުޅަނދަކާއި ހަތަރު ފުރޮޅުލީ 3 އުޅަނދެެއް ޓޯކޮށްފައިވާކަމަށް ފުލުހުން ބުނެއެވެ. އަދި ދެ ފުރޮޅުލީ އުޅަނދުތަކުގެ ތެރެއިން 16 އުޅަނދު ޓޯކޮށްފައިވަނީ ލައިސަންސް ނެތި ދުއްވުމާ ގުޅިގެންކަމަށްވެސް ފުލުހުން ބުނެއެވެ.
މީގެއިތުރުން ފާއިތުވި 48 ގަޑިއިރުގެ ތެރޭގައި އެއްގަމު ދަތުރުފަތުރުގެ ގަވާއިދާ ހިލާފުވި 38 ފަރާތެއް ޖޫރިމަނާކޮށް ފިޔަވަޅު އަޅާފައިވާކަމަށްވެސް ފުލުހުން ބުނެއެވެ. އޭގެ ތެރޭގައި ހިމެނެނީ ސައިކަލް ދުއްވި 32 މީހަކާއި ހަތަރު ފުރޮޅުލީ އުޅަނދު ދުއްވި 6 މީހުންކަމަށް ފުލުހުން ބުނެއެވެ.
