މި ފިލްމުގެ އޮރިޖިނަލް ކާސްޓުގައި ހިމެނޭ އަކްޝޭ ކުމާރާއި ޕަރޭޝް ރާވަލް މި ފިލްމުން ފެންނާނެ ކަމަށް ބެލެވުނު ނަމަވެސް، ޕްރޮޑިއުސަރުން ވަނީ ކުއްލި ގޮތަކަށް ގޯވިންދާ މި ޕްރޮޖެކްޓުން ވަކިކޮށްފައެވެ.
ރިޕޯޓުތައް ބުނާ ގޮތުގައި، ގޯވިންދާގެ ބަދަލުގައި މި ރޯލަށް މިހާރު ހަމަޖައްސާފައިވަނީ ހުނަރުވެރި އެކްޓަރު މަނޯޖް ބަޖްޕާއީއެވެ. ގޯވިންދާ މި ފިލްމުން ބޭރުކުރީ އޭނާގެ ފަރާތުން ފިލްމުގެ ޝޫޓިންއަށް ދަތިތަކެއް ކުރިމަތިވެދާނެ ކަމަށް ޕްރޮޑިއުސަރުންނަށް ފެނިގެން ކަމަށް ބޮލީވުޑްގެ ޚަބަރުތައް ބުނެއެވެ. މިއީ ގޯވިންދާގެ ކެރިއަރު އަލުން ކޮޅަށް ޖެހުމަށް ލިބުނު ރަނުގެ ފުރުސަތެއް ކަމަށް ގިނަ ބަޔަކު ދެކުނު ނަމަވެސް، މި ނިންމުމާއެކު އެ ފުރުސަތު ވަނީ ގެއްލިފައެވެ.
ސޯޝަލް މީޑިއާގައި ގިނަ ބަޔަކު ވަނީ މި ނިންމުމާ މެދު ޚިޔާލު ތަފާތުވުންތައް ފާޅުކޮށްފައެވެ. "ބަގަމް ބާގް" ގެ ކާމިޔާބީގެ އެންމެ ބޮޑު އެއް ހިއްސާއަކީ ގޯވިންދާގެ ކޮމެޑީ ކަމަށްވާއިރު، އޭނާ ނުލައި މި ފިލްމު ފުރިހަމަ ނުވާނެ ކަމަށް ފޭނުން ބުނެއެވެ. ނަމަވެސް މަނޯޖް ބަޖްޕާއީ މި ރޯލަށް އައުމުން ފިލްމަށް އާ ދިރުމެއް ލިބި، ތަފާތު ކޮމެޑީއެއް ފެނިގެންދާނެ ކަމަށް ފިލްމުގެ ޓީމުން ގަބޫލުކުރެއެވެ.
