ބާޒާރުމަތީ މަގު ފުޅާކުރުމުގެ އަމަލީ މަސައްކަތް ފެށީ މިދިޔަ އަހަރުގެ ޑިސެމްބަރުމަގުގެ 9 ވަނަ ދުވަހުއެވެ. އެ މަސައްކަތުގެ ދަށުން މިމަހުގެ 10 ވަނަ ދުވަހުގެރޭ ވަނީ މަގުގައި ތާރު އަޅާ ނިންމާފައެވެ.
މަގުގެ ހުރިހާ މަސައްކަތެއް ނިންމާ މިއަދު ފަތިހު 05:00 އިން ފެށިގެން ވަނީ އާއްމުކޮށް ހުޅުވާލާފައެވެ. މަގު ހުޅުވާލުމުން ގިނަ ބަޔަކު ވަނީ މަގު ބަލާލަން އެ ސަރަހައްދަށް ގޮސްފައެވެ.
ބާޒާރުމަތީ މަގު ފުޅާކޮށް ޒަމާނީ ފެންވަރަށް ތަރައްގީކޮށްފައި
ބޮޑުތަކުރުފާނު މަގު ޒަމާނީ ފެންވަރަށް ތަރައްގީކުރުމުގެ ދަވަނަ ފިޔަވަހީގައި މަސްމާރުކޭޓުން ފެށިގެން ނޯތު ހާބަރާއި ހަމައަށް އެއްގަމު ތޮށި ބޭރަށް ޖައްސައި މަގު ފުޅާކޮށް މަގު ހަތަރު ލޭނަށް ވަނީ ބޮޑުކޮށްފައެވެ. މި މަސައްކަތުގެ ދަށުން 260 މީޓަރުގެ ސަރަހައްދެއް ވަނީ ޝީޓް ޕައިލްކޮށް ބިންވެސް ވަނީ ހިއްކާފައެވެ.
މި މަޝްރޫއުގެ އަގަކީ 144،509،024.16 ރުފިޔާއެވެ.
