އުފެދޭ ސުވާލަކީ ތަރާވީހް ނަމާދު ކުރާއިރު އިމާމާ އާ އެއްވަރަށް ސޫރަތްތައް ކިޔަވަން ޖެހޭ ހެއްޔެވެ؟
ޖަވާބު: ﷲ ސުބުހާނަހޫވަތައާލާ ވަހީކުރައްވަނީ:
وَإِذَا قُرِئَ الْقُرْآنُ فَاسْتَمِعُوا لَهُ وَأَنصِتُوا لَعَلَّكُمْ تُرْحَمُونَ﴾ [ الأعراف: 204]
މާނަ: "އަދި قرآن ކިޔަވާހިނދު، ތިޔަބައިމީހުން އެއަށް ކަނުލައި އަޑުއަހައި، އަދި ހަނުތިބޭށެވެ! (އެއީ) ތިޔަބައިމީހުންނަށް ރަޙްމަތް ލެއްވުމަށްޓަކައެވެ."
އެހެން ނަމަވެސް ގިނަ އިލްމުވެރިން ވިދާޅުވަނީ ފާތިހާ ސޫރަތް ފިޔަވަ އެވެ. ފާތިހާ ސޫރަތް އިމާމް މީހާ ވަގުތު ދޭނަމަ އިމާމް މީހާ ކިޔަވާ ނިމުނީމަ ކިޔެވޭނެ އެވެ. އިމާމް މީހާ ވަގުތު ނުދޭނަމަ ކިޔަވަމުން ދާއިރު ފަހަތުން ކިޔެވޭނެ ކަމަށް އިލްމުވެރިން ވިދާޅުވެ އެވެ.
ތަރާވީހު ނަމާދަކީ ގަދަވެގެންވާ ސުންނަތެކެވެ. އަދި ތަރާވީޙހު ނަމާދުގެ މޮޅު އިތުރު ގޮތަކީ ޖަމާއަތުގައި ކުރުމެވެ. ނަމަވެސް ޖަމާއަތުގައި ނުކުރެވޭ މީހަކު ގޭގައި ކުރުމުންވެސް އެކަމުގެ ސަވާބު ލިބޭނެ އެވެ.
