ޕީއެންސީ ބޭއްވި ބޭއްވި ތަރާވީހުގައި ރައީސް މުއިއްޒު ވިދާޅުވީ ކުރީގެ ސަރުކާރުތަކުން ރަށްރަށަށް ދިއުމަށް ދަތުރު ހަދަނީ ވެސް އިންތިހާބަކާ ދިމާކޮށް ކަމަށެވެ. އަދި އެ މީހުންގެ ވިސްނުމަކީ ވެސް އިންތިހާބުތައް އެކި ދުވަސްވަރު ބޭއްވުންކަމަށްވެސް ރައީސް މުއިއްޒު ވިދާޅުވިއެވެ.
އެހެންނަމަވެސް މި ސަރުކާރުން ރައްޔިތުން ކައިރިޔަށް ރަށްރަށަށް ދަނީ ގައުމީ ވިސްނުމުގައި،ސަރުކާރާއި ހަވާލުކުރި ޒިންމާތައް އަދާކުރަންކަމަށެވެ. އެހެންކަމުން ކުރިޔަށް އޮތް ލޯކަލް ކައުންސިލް އިންތިހާބުގެ ކެމްޕެއިންނަށް އެއްވެސް ރަށަކަށް ދިޔުމުގެ ވިސްނުމެއް ނެތްކަމަށެވެ. އެހެންނަވެސް މަޝްރޫއެއް ނިންމާ ހުޅުވަން ދާން ރައްޔިތުން އެދެފި ނަމަ ދާނެކަން ރައީސް މުއިއްޒު ފާހަގަކުރެއްވިއެވެ.
ޤައުމުގެ އެންމެ މަތީ ވެރިޔާގެ ހައިސިއްޔަތުން، ދިވެހިރާއްޖޭގެ މީހުން ދިރިއުޅޭ ހުރިހާ ރަށަކަށް، ރެކޯޑް މުއްދަތެއްގެ ތެރޭގައި ޒިޔާރަތްކުރައްވައި ރާއްޖޭގެ ސިޔާސީ މައިދާނުގައި ތާރީހީ ކާމިޔާބީއެއް ރައީސް ޑރ. މުހައްމަދު މުއިއްޒު ހާސިލުކުރައްވާފައިވާކަން ރައީސް އޮފީހުން ވަނީ ހާމަކޮށްފައެވެ.
ރައީސް އޮފީހުން ބުނީ ރާއްޖޭގެ މީހުން ދިރިއުޅޭ ހުރިހާ ރަށަކަށް، އެންމެ 1 އަހަރާ 11 މަސްދުވަހުގެ ތެރޭގައި ދަތުރުކުރައްވައި، ރައީސް މުއިއްޒު މި ތާރީހީ ކާމިޔާބު ހާސިލުކުރައްވާފައި އެންމެ ފަހު މަންޒިލެއްގެ ގޮތުގައި، މާލެއަތޮޅު ތުލުސްދޫއަށް އަށް މިދިޔަ އަހަރުގެ އޮކްޓޫބަރު މަހުގެ 28 ވަނަ ދުވަހު ވަޑައިގެންނެވެ.
