ރާއްޖެ އިން ބޭރުން މާލޭގެ ވިޔަފާރިވެރިންގެ ބަނދަރަށް ގެނައި މުދާ ޝިޕްމެންޓެއް ބަލައި ފާސްކުރުމުގެ ތެރޭގައި މަސްތުވާތަކެތި ކަމަށް ޝައްކު ކުރެވޭ ތަކެތި ފެނިގެން އެތަކެތި ކަސްޓަމްސް އިން ހިފެހެއްޓީ މިދިޔަ ފެބްރުއަރީ މަހުއެވެ.
އެ މައްސަލާގައި ފުލުހުން ބުނީ މުދާތަކެއްގެ ތެރޭގައި ފޮރުވައިގެން ރާއްޖެއަށް އެތެރެކޮށް އެތަކެތި ޓްރެފިކް ކުރާކަމަަށް ތުހުމަތުކުރެވޭ މައްސަލާގައި ހައްޔަރުކޮށްފައި ވަނީ މ. މުލައް، މަދާރުގެ، ހަސަން މަފާޒު، 26އ. އާއި ހ. ފިލްމީސައިޓް، ވިޝާމް މުހައްމަދު، 35އ. ކަމަށެވެ. އޭގެ ތެރެއިން ވިޝާމްގެ ބަންދު މިއަދުވަނީ އަނެއްކާވެސް އިތުރުކޮށްފަ އެވެ.
ބަރުދަނުގައި 36.4 ކިލޯގުރާމު ހުރި މި ތަކެތީގެ މަގުމަތީގެ އަގު 29 މިލިއަން ރުފިޔާއަށްވުރެ ބޮޑު ކަމަށްވެ އެވެ. ކަސްޓަމްސް އިން އާންމުކުރި ފޮޓޯއިން ފެންނަ ގޮތުގައި، އެ ތަކެތި ހުރީ ރަބަރު ޕެކެޓުތަކެއްގައި ބަންދުކޮށްފަ އެވެ.
