އެ އިދާރާއިން ބުނީ މީ މިދިޔަ އަހަރުގެ މާރިޗުމަހާއި އަޅާކިޔާއިރު 17 އިންސައްތަ އިތުރު އަދަދެއް ކަމަށެވެ. އަދި މީ މިދިޔަ މަހު ލިބޭނެ ކަމަށް އަންދާޒާކުރި އަދަދަށްވުރެ 26.8 އިންސައްތަ އިތުރު އަދަދެއް ކަަމަށްވެސް މީރާއިން ބުނެއެވެ.
މީރާއިން އާއްމުކޮށްފައިވާ ހިސާބުތައް ދައްކާގޮތުން މިދިޔަ މަހު އެންމެ ބޮޑު އާމްދަނީ ދައުލަތަށް ލިބުނީ ޖީއެސްޓީންނެވެ. ޖީއެސްޓީގެ ގޮތުގައި 2.4 ބިލިއަން ރުފިޔާ ވަނީ ލިބިފައެވެ. އެއީ މިދިޔަމަހު ލިބުނު އާމްދަނީގެ 59.6 އިންސައްތައެވެ. ދެވަނައަށް އެންމެ ބޮޑު އާމްދަނީއެއް ލިބުނީ ރިޒޯޓްތަކުގެ ކުލިންނަގާ ޓެކުހުންނެވެ. އެއީ 440 މިލިއަން ރުފިޔާއެވެ.
ދެން އިތުރަށް އާމްދަނީ ލިބުނު އަދަދުތައް
މީރާއިން ބުނީ މިދިޔަމަހު ދައުލަތަށް ލިބުނު އާމްދަނީގެ ތެރޭގައި 205.18 މިލިއަން އެމެރިކާ ޑޮލަރުވެސް ހިމެނޭކަމަށެވެ.
މީރާއިން ބުނީ މިދިޔަ މަހުގެ އާމްދަނީގެ 7.6 އިންސައްތަ އަކީ އެ އިދާރާއަށް އެކި ފަރާތްތަކުން ނުދައްކާ ހުރި ފައިސާ ހޯދުމަށް ކުރި މަސައްކަތުން ލިބުނު އާމްދަނީކަމަށެވެ. އެގޮތުން ނުލިބި ހުރި ފައިސާ ހޯދުމަށް ކުރެވުނު މަސައްކަތުން މިދިޔަމަހު ޖުމްލަ 882 މިލިއަން ރުފިޔާ ހޯދައިފައިވާކަމަށް މީރާއިން ބުނެއެވެ. އޭގެތެރޭގައި ނޯޓިސް ފޮނުވައިގެން ހޯދި 397 މިލިއަން ރުފިޔާ އާއި ޑިއުސް ކްލިއަރެންސްގެ ތެރެއިން ހޯދި 411 މިލިއަން ރުފިޔާ ހިމެނޭކަމަށް މީރާއިން ބުނެއެވެ.
ޓެކްސް ދައްކާ ފަރާތްތަކަށް ފައިސާދެއްކުމަށް ހަނދާންކޮށްދިނުމަށް ކުރި ފޯނު ކޯލުތަކުގެ ޒަރިއްޔާއިން 13 މިލިއަން ރުފިޔާ އަދި އިންސްޓޯލްމަންޓް އެއްބަސްވުމުގެ ދަށުން 61 މިލިއަން ރުފިޔާ މިދިޔަމަހު ހޯދާފައިވާކަމަށްވެސްް މީރާއިން ބުނެއެވެ.
