ކުރިން ރާއްޖޭގައި ނިއުރޭޑިއަންޓާއި އެކު އެއް އަހަރު ދުވަހުގެ ތެރޭގައި ރާއްޖޭގެ ހުރިހާ މުބާރާތެއް ކާމިޔާބުކޮށް، އަދި ރާއްޖޭގެ އެންމެ މޮޅު ކޯޗުގެ މަގާމުވެސް ހޯދާފައިވާ އޮސްކާ ބުނީ، ޖޫންގައި އަލުން ކުޅުން ނުފެށޭނަމަ ލީގު ކެންސަލް ކުރުން ނޫން އެހެން އެއްވެސް ހައްލެން ނެތްކަމަށެވެ. އަދި އެއީ މިހާލަތުގެ ގޮތުން އޮތް ހަމައެކަނި ގޮތް ކަމަށް އޮސްކާ ބުންޏެވެ.
ކޮރޯނާވައިރަހާ ގުޅިގެން މެދުކަނޑާލާފައިވާ ބަންގްލަދޭޝްގެ ފުޓްބޯޅަ ލީގު ކުރިއަށް ނުގެންދެވި ހުއްޓާލާން ޖެހިއްޖެ ނަމަ، މިނީ ލީގެއް ކުޅެން އެ ގައުމުގެ ގައުމީ ޓީމުގެ ކޯޗު ޖެމީ ޑޭވެސް ވަނީ ހުށަހަޅާފައެވެ. ޑޭގެ ހުށަހެޅުމަކީ ލީގު ކުރިއަށް ގެންދެވޭނެ ފަދަ ހާލަތަށް އާއްމު ސިއްހީ ހާލަތު ނައިސްފިނަމަ އަހަރުގެ ފަހުކޮޅު މިނީ ލީގެއް ކުޅެ އަންނަ ސީޒަނަށް ތައްޔާރުވާން ފެށުމެވެ. ބަންގްލަދޭޝްގެ ލީގު މެދު ކަނޑާލީ މި ސީޒަންގެ ލީގު ފަށައި މަހެއްވެސް ނުވަނީހެވެ.