4،000 ހައުސިން ޔުނިޓްގެ ތެރެއިން ބައެއް ޔުނިޓުތައް އުސޫލުތަކާ ހިލާފަށް ކުއްޔަށް ދޫކުރަމުންދާ މައްސަލަ ފާހަގަކުރެވުން އަންނަކަމަށް އެފްޑީސީން ބުނެއެވެ.
އެގޮތުން އެފަދަ މައްސަލަތައް ބަލާ ފިޔަވަޅު އަޅަމުން އަންނަކަމަށާއި ފްލެޓެއް ކުއްޔަށްދިން މީހަކު މިދިޔަ މަހު ޖޫރިމަނާކޮށްފައިވާކަމަށް އެފްޑީސީން ބުނެއެވެ. އަދި އެ ފަދަ މައްސަލައެއްގައި އިތުރު ތިން މީހަކަށް މީހާރު ލިޔުމުން އިންޒާރު ދީފައިވާކަމަށްވެސް އެ ކުންފުނިން ބުނެއެވެ. އަދި އެފަދަ އިތުރު ދެ މައްސަލައެއް ފާހަގަކުރެއްވި އެކަން ތަހުގީގުކުރަމުން އަންނަކަމަށްވެސް އެފްޑީސީން ބުނެއެވެ.
4000 ފްލެޓްގެ ތެރޭގައި ހިމެނޭ 'އަމާން އުދަރެސް'ގެ ތިން ކޮޓަރީގެ ފްލެޓެއްގެ ތެރެއިން ދެ ކޮޓަރި ލޭބާ ކުއާޓާއެއްގެ ގޮތުގައި ބީދޭސީން ތަކަކަށް ކުއްޔަށް ދިނުމުން އެ ފްލެޓުގެ ވެރިފަރާތް 50،000 ރުފިޔާއިން މީގެ ކުރިން ވަނީ ޖޫރިމަނާކޮށްފައެވެ.
