ނެޝަނަލް ޑިޒާސްޓާ މެނޭޖަމްޓް އޮތޯރިޓީން ބުނީ ކޮލަމާފުއްޓަށް ބޯކޮށް ވާރޭވެހި ގެތަކަށާއި މުއައްސަސާތަކަށް ފެންވަދެ، ކަރަންޓު ކެނޑި ގެއްލުންތަކެއްވެފައިވާ ކަމަށެވެ.
އަދި ރައްޔިތުނާއި ރަށު ކައުންސިލް ގުޅިގެން ފެންހިއްކުމުގެ މަސައްކަތް ކުރަމުންދާ ކަމަށެވެ. އިތުރު އެހީތެރިކަން ފޯރުކޮށް ދިނުމަށް ޕަންޕާއި ގެތަކަށް ފެންވަނުން ހުއްޓުވުމަށް ވެލިބަސްތާ ތައްޔާރުކުރުމަށް ބޭނުންވާ ގޯނި ހިފައިގެން އެމްއެންޑީއެފް ސަދަން އޭރިއާގެ ކޮމާންޑުން މިހާރު ދަނީ އެރަށަށް ދަތުރުކުރަމުންދާ ކަމަށް ވެސް ބުންޏެވެ.
ސިފައިންގެ ޓީމު ކޮލަމާފުއްޓަށް ދަތުރުކުރަނީ ފެން ހިންދުމުގައި ބޭނުންކުރާ ޕަންޕުތަކާއި ގެތަކަށް ފެން ވަނުން ހުއްޓުވުމަށްޓަކައި ވެލިބަސްތާ ޖެހުމަށް ބޭނުންވާ ގޯނި ހިފައިގެން ކަމަށް ވެސް އެ އިދާރާއިން ބުންޏެވެ.
ނަމަވެސް، ފެންބޮޑުވުމުގެ މި ހާދިސާގައި ލިބުނު ގެއްލުންތަކުގެ ތަފްސީލެއް އަދި ނޭނގެ އެވެ.
