ޤާނޫނުއަސާސީ އިސްލާހު ކުރުމުގެ މައްސަލައިގައި މިއަދު މަޖިލީހުގައި ވާހަކަ ދައްކަވަމުން ރައީސް ނަޝީދު ވިދާޅުވީ ޤާނޫނީ ލަފާ ދެން ހޯދެން އޮތް ތަނަކީ ސުޕްރީމް ކޯޓު ކަމަށެވެ.
ރައީސް ނަޝީދު ވިދާޅުވީ ސުޕްރީމް ކޯޓުގެ ލަފައަކަށް އެދުމުގެ ކަންކަން ކުރިއަށްގެންދަންޖެހޭނީ މެމްބަރުން ޤާނޫނުގައި ބުނެފައިވާ ގޮތަށްކަމަށެވެ. އަދި ސުޕްރީމް ކޯޓުގެ ލަފައެއް ހޯދައިގެން މިކަމުގައި ވަގުތީ ހައްލެއް ހޯދިދާނެކަމަށް ރައީސް ނަޝީދު ވިދާޅުވި އެވެ.
މީގެ އިތުރުން މަޖިލިސް ފައްޓަވަމުން ވާހަކަ ދައްކަވަމުން ރައީސް ނަޝީދު ވިދާޅުވީ ޤާނޫނުއަސާސީގެ 231 ވަނަ މާއްދާގެ (ހ)ގައި ކައުންސިލަރުން އިންތިހާބު ކުރަންޖެހޭނީ ރައްޔިތުންގެ ސިއްރު ވޯޓަކުންކަމަށް ބަޔާން ކޮށްފައިވާކަމަށެވެ. އަދި މުއްދަތު އިތުރު ކުރުމަށް ޤާނޫނުއަސާސީއަށް އިސްލާހު ގެންނަނީ މި މާއްދާ އެގޮތަށް އޮށްވާކަން ފާހަގަކުރެއްވި އެވެ.
ރައީސް ނަޝީދު ވިދާޅުވީީ ޤާނޫނުއަސާސީ އިސްލާހުކޮށް ނިމޭއިރުގައި އަދި ޤާނޫނުއަސާސީގައި މުއްދަތު އިތުރުކުރާ އިތުރު މާއްދާއެއް (231 ވަނަ މާއްދާގެ (ހ) ) ވާކަމަށެވެ. އަދި ޤާނޫނުއަސާސީގެ އެއްމާއްދާ އަނެއް މާއްދާ އާ ފުށުއަރާގޮތަށް ނުބޭއްވޭނެކަމަށް ވިދާޅުވި އެވެ.
