މަހްލޫފު މިހެން ވިދާޅުވީ، އެފްއޭއެމުން ފޭސްބުކް މެދުވެރިކޮށް ކުރިއަށް ގެންދިޔަ، "ލެޓްސް ޓޯކް ފުޓްބޯލް" ފޭސްބުކް ލައިވްގައި ހޮނިހިރު ދުވަހުގެ ރޭ ވާހަކަ ދައްކަވަމުންނެވެ.
މިނިސްޓަރު މަހްލޫފަށް ކުއްލިއަކަށް ބައްސާމް ރަނގަޅުވެގެން ވާހަކަ ދައްކަވަމުން ގެންދަވާއިރު، މިނިސްޓަރު ކަމާއި ހަވާލުވެ ކުރީކޮޅު، ވަނީ އެފްއޭއެމްގައި ކުރީގެ ސަރުކާރުގެ ސިޔާސީ މަސައްކަތައް ވެސް ކުރިކަމަށް ތުހުމަތުކުރައްވާފަ އެވެ.
ބައްސާމާއި އެކު ރަނގަޅު މަސައްކަތެއް ނުކުރެވޭނެ ކަމަށް ކުރިން ވިދާޅުވި މަހުލޫފުގެ ރާގު އެއްކޮށް މިހާރު ވަނީ ބަދަލުވެފަ އެވެ. އަދި ބައްސާމާއި އެކު ރާއްޖޭން ބޭރުގައި ކުޅޭ ބޯޅަ މެޗުތައް ބައްލަވަން ވެސް ދަތުރުކުރައްވާފައިވާ މަހްލޫފު ހޮނިހިރު ދުވަހުގެ ރޭ އެފްއޭއެމުން ބޭއްވި ޕްރޮގްރާމެއްގައި ވާހަކަ ދައްކަމުން ވިދާޅުވީ ބައްސާމް މިހާރު ވަރަށް ރަނގަޅު ކަމަށެވެ.
މިނިސްޓަރު މަހްލޫފަކީ، އެމްއެމްޕީއާރުސީގެ ބޮޑު ހިޔާނާތުގެ މައްސަލައިގައި ތުހުމަތު ކުރެވުނު އެކަކެވެ. ކުރީގެ ނާއިބު ރައީސް އަހްމަދު އަދީބު އަބްދުލްޣަފޫރާއި ކުރިން ގާތް ގުޅުމެއް މަހްލޫފުއާއި އޮތް އިރު، އެފްއޭއެމްގެ ރައީސް ބައްސާމް އަދީލް ޖަލީލަކީވެސް އަހްމަދު އަދީބު އަބްދުލްޣަފޫރާއި ގާތް ގުޅުމެއް އޮތް ފަރާތެއް ކަމަށް ތުހުމަތު ކުރެވެ އެވެ. އަދި އެމްއެމްޕީއާރުސީގެ ފައިސާ ބައްސާމަށް ވެސް ލިބިފައިވާ ކަމަށް ތުހުމަތު ކުރެވިފައިވެ އެވެ.