މިރޭ ބޭއްވި ނޫސްވެރިންގެ ބައްދަލުވުމުގައި މިނިސްޓަރު ވިދާޅުވީ މިހާރު އޮތް ގައިޑްލައިންއާ އެއްގޮތަށް ކޮންމެ ރިސޯޓެއް ހުޅުވުމުގެ ހަތް ދުވަސް ކުރިން އެރިސޯޓެއްގެ ޕްލޭން މިނިސްޓްރީއަށް ހުށަހަޅަންޖެހޭނެ ކަމަށެވެ.
އެގޮތުން އެރިސޯޓަކަށް މީހުން ގެނައުމުގެ ހުއްދަދޭނީ ޕްލޭންގައި ހިމެނޭ ކަންކަން ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ވެސް ފާސްކުރުމަށް ފަހު ކަމަށް ވިދާޅުވި އެވެ.
އެގޮތުން އެޗްޕީއޭގެ ސްޓޭންޑާޑަށް ހުރި ނަމަ އެ ރިސޯޓެއްގައި ވެސް ޕޮޒިޓިވް ވާ މީހަކު ބަހައްޓާ ފަރުވާދެވޭނެ އިންތިޒާމުތައް ވެސް ހުންނާނެކަން މިނިސްޓަރު ފާހަގަކުރައްވަ އެވެ.
އަދި ރިސޯޓުގައި ހުއްޓާ އެ ފަތުރުވެރިއަކު ސަރުކާރުގެ ކަރަންޓީން ފެސިލިޓީއަކަށް ގެންދަން ޖެހިއްޖެ ހާލަތެއްގައި ވެސް ހަރަދުކުރާނީ ފަތުރުވެރިކަމުގެ ސިޔާއަތުން ކަމަށާއި ސަރުކާރުން އެ ހަރަދުތައް ނުކުރާނެކަން ވެސް މިނިސްޓަރު ވިދާޅުވެ އެވެ.
