ރޭ ކުރިއަށް ގެންދިޔަ ނޫސްވެރިންގެ ބައްދަލުވުމުގައި ވާހަކަ ދައްކަވަމުން ތޮއްޔިބު ވިދާޅުވީ ބޯޑަރު ބަންދުކުރުމުން ރާއްޖެ އިސްތިހާރު ކުރުމަށް ކުރަންޖެހުނު މަސައްކަތް އިތުރުވި ކަމަށެވެ. އެގޮތުން ބޯޑަރު ބަންދު ކުރުމުންވެސް ރާއްޖެއާއިމެދު ފަތުރުވެރިން ދެކެމުންއައި ތަސައްވުރު ދެމެހެއްޓުމަށް ގިނަ މަސައްކަތްތަކެއް ކޮށްފައިވާކަން ފާހަގަކުރެއްވި އެވެ. 

ކޮވިޑް19 އާއި ގުޅިގެން ރާއްޖެ މާކެޓްކުރަމުން އައި ގޮތް ބަދަލުކުރިކަން ފާހަގަކޮށް ތޮއްޔިބު ވިދާޅުވީ ހާލަތާއި ގުޅޭގޮތުން އޮންލައިން އެކި ޕްލެޓްފޯމް މެދުވެރިކޮށް މާކެޓިން މަސައްކަތްތައް ކުރިއަށް ގެންދިޔަ ކަމަށެވެ. 

މީގެ އިތުރުން ރޭގެ ނޫސްވެރިންގެ ބައްދަލުވުމުގައި ވާހަކަ ދައްކަވަމުން ތޮއްޔިބު ވިދާޅުވީ މިހާރުގެ ޓާގެޓް ކަމުގައިވާ 850،000 ފަތުރުވެރިން ގެނައުމަށް އިތުރު 500،000 ފަތުރުވެރިން ގެންނަންޖެހޭ ކަމަށެވެ. މި ޓާގެޓަށް ވާސިލުވުން މުހިންމު ކަން ފާހަގަކޮށް ތޮއްޔިބު ވިދާޅުވީ އޭވިއޭޝަން ސެކްޓާ އިތުރަށް ވަރުގަދަވެ މިކަމަށް އިތުރަށް ތައްޔާރުވާން ޖެހޭކަމަށެވެ.