އޭނާ މިއަދު ކުރި ފޭސްބުކް ޕޯސްޓެއްގައި ބުނީ ސަރުކާރު ގެނައީ ހަމައެކަނި ކޮންކްރީޓް ތަރައްގީ ގެނައުމަށް ނޫންކަމަށާއި އިންސާފު ވެސް ލިބޭނެ ކަމުގެ އުއްމީދާއެކު ކަމަށެވެ.
އެކަމަކު މިއަދާ ހިސާބަށް އައިއިރު ވެސް އޭނާ އުއްމީދުކުރި ގޮތަށް މީހުންނަށް އިންސާފު ނުލިބޭ ކަމަށް ވެސް ބުންޏެވެ.
އެގޮތުން ރޭޕްކުރުމާއި ޖިންސީ ގޯނާ ފަދަ މައްސަލަތަކާއި ގުޅިގެން އެއްވެސް ކަމެއް ކުރަމުންދާ މަންޒަރު ނުފެންނާތީ އެމްޑީޕީގެ ޓިކެޓުގައި ލޯކަލް ކައުންސިލު އިންތިހާބަށް ވާދަކުރުމަށް ވެސް ލަދުވެތިވާ ކަމަށް ވެސް މިއުނާ ބުނެ އެވެ.
އެ ސަބަބާހުރެ އޭނާ މިވަނީ އިންތިހާބުގައި އެމްޑީޕީގެ ޓިކެޓުގައި ވާދަނުކުރަން ނިންމާފަ އެވެ.
އެކަމާއި ގުޅިގެން މިއުނާ މިރޭ ސީއެންއެމްއަށް ބުނީ، އިންތިހާބުގައި އަމިއްލަ ގޮތުން ވާދަކުރުމާއި މެދު އަދި ގޮތެއް ނުނިންމާ ކަމަށެވެ. އެކަމަކު އެހެން ޕާޓީއަކުން އޭނާ އިންތިހާބަށް ނުނިކުންނާނެކަން ވެސް ފާހަގަކުރެ އެވެ.
