ރޭގެ މެޗުގައި ބާސެލޯނާގެ ހަމައެކަނި ގޯލް ކާމިޔާބުކޮށްދިނީ ލުއިސް ސުއަރޭޒްއެވެ. މި މެޗުން ބާސެލޯނާ އަތުން ބަލިވުމުން އެސްޕަންޔޯލްވަނީ ރެލިގޭޓްވާނެކަން ޔަގީންވެފައެވެ. އެސްޕަނިޔޯލް އޮތީ 24 ޕޮއިންޓާ އެކު ޓޭބަލްގެ ފުލުގައެވެ.

ރޭގެ ތިން ޕޮއިންޓާ އެކު ރިއާލްގެ ފަހަތުން ވިއްދާފައި އޮތް ބާސާއަށްވަނީ 35 މެޗުން 76 ޕޮއިންޓް ލިބިފައެވެ. އެއް ޕޮއިންޓް އިތުރަށް ހޯދާފައިވާ ރިއާލް މެޑްރިޑު އަތުގައި އިތުރު މެޗެއްވެސް އެބައޮތެވެ. ރެއާލް އެއް ވަނައިގައި އޮތީ 34 މެޗުން 77 ޕޮއިންޓް ހޯދައިގެންނެވެ. މާދަމާރޭ ޑިޕޯޓިވޯ އަލަވެސްއާ ދެކޮޅަށް ކުޅޭ މެޗުން މޮޅުވެއްޖެ ނަމަ ފަރަގު އަނެއްކާވެސް އިތުރު ކުރެވޭނެ އެވެ. މާދަމާ ރޭގެ މެޗަށް ފަހު ދެ ޓީމަށްވެސް ބާކީ ދެން އޮންނާނީ ތިން މެޗެވެ.