އެ ހާދިސާ ހިނގާފައިވަނީ ބެއިރޫތުގެ ޕޯޓު ސަރަހައްދުގަ އެވެ.
މަންޒަރު ދުށް ބައެއް މީހުންނާއި ހަވާލާދީ ނޫސްތަކުން ބުނާގޮތުގައި ބާރުގަދަ އެ ގޮވުމާއެކު ވަނީ އެ ސަރަހައްދާއި 10 ކިލޯ މީޓަރު ދުރުގައި ހުރި ގެތަކަށް ވެސް ބޮޑެތި ގެއްލުންތަކެއް ލިބިފަ އެވެ. އެގޮތުން އެކި ސަރަހައްދުތަކަށް ލޮޅުން އެރި ކަމަށާއި ހީވީ ބޮޑު ބިން ހެލުމެއް ކުރިމަތީވީ ކަމަށް ވެސް މީހުން ބުނެ އެވެ.
އިމާރާތްތަކަށް ބޮޑެތި ގެއްލުންތަކެއް ލިބުނުއިރު މަގުމަތީގައި ހުރި އުޅަނދުތަކަށް ވެސް ބޮޑު ގެއްލުމެއް ލިބިފައިވެ އެވެ.
ދެ ގޮވުމެއް ގޮވިއިރު އެންމެ ފުރަތަމަ ގޮވުމުގައި ވެސް ވަރަށް ބޮޑަށް ރޯވެފައިވާ މަންޒަރު ފެނެ އެވެ. އެ މަންޒަރު މީހުން ވީޑިއޯ ކުރަމުންދަނިކޮށް ދެވަނަ ގޮވުން ގޮވާއިއިރު އަލިފާންގަނޑާއެކު ބޯ ދުންތަކުން މުޅި ސަރަހައްދު ފުސްވެޔެވެ.
