ޖޭޕީގެ ތަރުޖަމާނު އަލީ ސޯލިހު އެގޮތަށް ވިދާޅުވެފައި ވަނީ އެޕާޓީގެ ސްލޮޓެއްގައި ހެލްތު މިނިސްޓަރު އަބްދުﷲ އަމީން މިނިސްޓަރުކަން ކުރައްވަމުން ގެންދަވާއިރު އެ މިނިސްޓްރީން ކޮވިޑާއި ގުޅިގެން ކުރި ހަރަދުތަކުގައި މަކަރާއި ހިލާތް ހަދާފައިވާ ކަމަށް އޮޑިޓް ރިޕޯޓުން ދައްކާތީ އެވެ.
އެކަމާއި ގުޅިގެން އަލީ ސޯލިހު ސީއެންއެމްއަށް ވިދާޅުވީ، ރައީސްގެ ކެބިނެޓް ހިނގާނެ ގޮތަށް ޖޭޕީން ގޮތް ނުކިޔާނެ ކަމަށާއި އެގޮތުން ރައީސް ނިންމަވާ ނިންމުމެއް ވާނީ އެންމެ ފަހުގެ ނިންމުމަށް ކަމަށެވެ.
އޭގެ އިތުރުން އަލީ ސޯލިހު މިއަދު ވަނީ އެކަމުގައި ފިޔަވަޅެއް އަޅާނަމަ ރައީސް ފިޔަވަޅު އަޅުއްވާނީ އެކަމެއްގެ އެންމެ ފުން މިނަށް ބެއްލެވުމަށް ފަހުގައި ކަމަށެވެ. އަދި ކޮންމެ ޕާޓީއެއްގެ ބޭފުޅެއް ނަމަވެސް ގާނޫނާއި ގަވާއިދަށް ކަމެއް ކޮށްފިނަމަ ފިޔަަވަޅު އަޅުއްވަން ޖެހޭނެ ކަމަށް ވެސް ވިދާޅުވެ އެވެ.
އެ އޮޑިޓް ރިޕޯޓާއި ގުޅިގެން ރައީސް އޮފީހުގެ ތަރުޖަމާނު އިބްރާހީމް ހޫދު ވަނީ އޮޑިޓް ރިޕޯޓު ރަސްމީކޮށް ރައީސް އޮފީހަށް ލިބުމާއެކު އެކަމުގައި އަޅަން ޖެހުނު ފިޔަވަޅެއް އެޅުމުގައި ފަސް ނުޖެހޭނެ ކަމަށް ވިދާޅުވެފަ އެވެ.