ޓީޗަރުންގެ ދުވަހުގެ މުނާސަބަތުގައި ދުވަހުގެ ތަހުނިޔާ ޓީޗަރުންނަށް ފޮނުއްވާ ނައިބް ރައީސް ވިދާޅުވީ ގައުމެއް ކުރިއަރާދަނީ އެގައުމެއްގައި އުފެދޭ ހަރުދަނާ ޖީލެއްގެ ސަބަބުން ކަމަށާއި އެގޮތުން އެފަދަ ޖީލެއް ބިނާކުރުމުގައި އެންމެ މުހިއްމު ރޯލެއް އަދާކުރަނީ މުދައްރިސުން ކަމަށެވެ.
ނައިބް ރައީސް ވިދާޅުވީ ރަނގަޅު ޖީލެއް ބިނާކުރުމަށްޓަކައި މުދައްރިސުން ރެއާ ދުވާލުކުރާ ބުރަ މަސައްކަތަކީ އަގު ކުރެވޭނެ މަސައްކަތެއް ނޫން ކަމަށެވެ.
އޭގެ އިތުރުން ނައިބް ރައީސް ވަނީ ހަރުދަނާ ޖީލެއް ބިނާކުރުމަށްޓަކައި މުދައްރިސުން ކުރަމުންދާ ބުރަ މަސައްކަތް ފާހަގަކުރައްވާ ޝުކުރު އަދާކުރައްވާފަ އެވެ.
ކޮންމެ އަހަރެއްގެ ވެސް އޮކްޓޫބަރު މަހުގެ ފަސް ވަނަ ދުވަސް ޓީޗަރުންގެ ދުވަހުގެ ގޮތުގައި ފާހަގަކުރަމުން އަންނައިރު ރައީސް އިބްރާހީމް މުހައްމަދު ސޯލިހު ވެސް ވަނީ ޓީޗަރުންނަށް ދުވަހުގެ ތަހުނިޔާ ފޮނުއްވާފަ އެވެ.
