ތިއޭޓަރު އެކްޓަރެއްގެ ގޮތުގައި ތިން އަހަރުގެ ތަޖުރިބާ ލިބިފައި ވާއިރު، ޖުނައިދު ވަނީ އެމެރިކަން އެކެޑެމީ އޮފް ޑްރެމެޓިކް އާޓްސްގައި ދެ އަހަރު ކިޔަވާފަ އެވެ. ލޮސް އެންޖެލަސްގައި ހުންނަ އެ ސްކޫލުގައި އިތުރު އެއް އަހަރު އޭނާ މަޑުކުރީ ޑްރާމާތައް ކުޅުމަށް ހުންނަ ޝައުގެއްގެ ބޮޑު ކަމުން ކަމަށް ވެއެވެ.
"އަ ފާމިން ސްޓޯރީ"، "އަ ފިއު ގުޑް މެން". "މެޑިއާ"، އަދި "ބޯން އޮފް ކޮންޓެންޝަން" ފަދަ ތިއޭޓާ ޑްރާމާތައް މިހާތަނަށް އޭނާ ވަނީ ހުށަހަޅާފަ އެވެ.
ރިޕޯޓުތައް ބުނާ ގޮތުން ޖުނައިދަކީ އެ މަސައްކަތް ވަރަށް ޝައުގުވެރިކަމާއެކު ކުރާ އަދި ރިހާސަލްތަކުގައި ފުރިހަމައަށް ބައިވެރިފާ ފަންނާނެކެވެ.
ތިއޭޓަރު އެކްޓަރެއްގެ ގޮތުގައު ޖުނައިދު އަދިވެސް އުޅެމުން ދާއިރު ބޮލީވުޑުގެ އެހެން މަޝްހޫރު ތަރިންގެ ދަރިން މަސައްކަތް ކުރަމުން ދަނީ ފިލްމު އިންޑަސްޓްރީއަށް ވަނުމަށެވެ.
ނަމަވެސް މިހާރު އުމުރުން 27 އަހަރުގެ ޖުނައިދު ވަނީ ބައްޕަ އާމިރުގެ ފިލްމު "ޕީކޭ" ގައި އެސިސްޓަންޓް ޑައިރެކްޓަރެއްގެ ގޮތުގައި މަސައްކަތްކޮށްފަ އެވެ.
ޖުނައިދާއި އައިރާ އަކީ އާމިރުގެ ފުރަތަމަ އަންހެނުން ރީނާ ދައްތާއާއެކު ލިބިފައިވާ ކުދިންނެވެ. މިހާރު ކައިވެނިކޮށްގެން އުޅޭ ކިރަން ރާއޯ އަށް ވެސް އާޒާދު ނަމަކަށް ކިޔާ ކުއްޖަކު ލިބިފައި ވެއެވެ.
