އާންމުކޮށް ސެމްސަންގުން އެ ކުންފުނީގެ އެސް މަރުކާގެ ފޯނުތައް ދައްކާލަނީ ކޮންމެ އަހަރެއްގެ ވެސް ފެބްރުއަރީ މަހުގަ އެވެ. ނަމަވެސް މަޝްހޫރު ފޯން ލީކަރު ސްޓީވް ހެމާސްޓޮފާ ލަފާކޮށްފައި ވަނީ ސެމްސަންގްގެ އެސް މަރުކާގެ ފޯނުތައް އަންނަ އަހަރު ޖެނުއަރީގައި ދައްކާލާނެ ކަމަށެވެ.
އަންނަ އަހަރު ޖެނުއަރީގައި އޮންނަ ސެމްސަންގް ގެ "އަންޕެކްޑް" އިވެންޓްގައި އެ ކުންފުނިން ގެލެކްސީ އެސް ފޯންތަކުގެ ތިން މޮޑެލް އެއް ދައްކައިލާނެ ކަމަށް ލަފާކުރެވެ އެވެ. އެއީ އާދައިގެ މޮޑެލް އަކާއި، ޕްލަސް މޮޑެލް އަކާއި، އަލްޓްރާ މޮޑެލް އެކެވެ.
ސެމްސަންގް ގެ ފޯނުތަކާއި ބެހޭ މާ ބޮޑު މައުލޫމާތެއް ލިބިފައި ނެތަސް، އެސް 21، ނުވަތަ އެސް 30 ކަމަށް ލަފާކުރެވޭ މި ފޯނުގެ އާދައިގެ މޮޑެލްގައި 6.2 އިންޗީގެ ސްކްރީނެއް އިންނާނެ ކަމަށް ލަފާކުރެވޭއިރު، އަލްޓްރާ މޮޑެލްގައި 6.7 ނުވަތަ 6.9 އިންޗީގެ ސްކްރީނެއް އަޅުވާފައި އިންނާނެ ކަމަށް ލަފާކުރެވެ އެވެ.
ސެމްސަންގުން އެ ކުންފުނީގެ ގެލެކްސީ އެސް ފޯނުތައް ޖެނުއަރީގައި ދައްކާލާނެ ކަމަށް ލަފާކޮށްފައިވާ އިރު، އެޕަލް އިން ވަނީ މި މަހުގެ ތޭރަވަނަ ދުވަހު އައިފޯން 12 ދައްކާލާފަ އެވެ.
