ބާސެލޯނާގެ ހޯމްގައި ކުޅޭ އެލް ކްލެސިކޯ މެޗަށް މިރޭ ބާސެލޯނާއާ ރިއާލް މެޑްރިޑް ނުކުންނައިރު، މި ދެ ޓީމުވެސްވަނީ ސްޕެނިޝް ލީގުގައި އެންމެ ފަހުން ކުޅުނު މެޗުން ބަލިވެފައެވެ. ރެއާލް ބަލިވީ ހޯމްގައި ކަޑިޒް އަތުން 1-0 އިންނެވެ. ބާސެލޯނާ ބަލިވީ އަވޭގައި ހަމަ އެ ނަތީޖާއިން ގެޓަފޭ އަތުންނެވެ.
މެސީއާ ބާސާއާ ދެމެދު އުފެދިފައިވާ އުދާސްގަނޑު އަދިވެސް ފިނިވެފައިނުވާތީ މެސީގެ ކޮންޓްރެޓްގެ މުއްދަތު އިތުރު ކުރާނެ ކަމަކަށް ނުބެލެވޭ ކަމަށް މީޑިއާ ރިޕޯޓްތައް ބުނެއެވެ.
މި ދެޓީމުގެ ކުރިމަތިލުންތަކަކީ ސްޕެނިޝް ލީގުގައި އަބަދުވެސް އެންމެ ވާދަވެރި އަދި އެންމެ ފޯރި ގަދަ ކުރިމަތިލުންތަކެވެ. އެލްކްލެސިކޯގެ އެންމެ ފަހުގެ ނަތީޖާތަކަށް ބަލާއިރު ކޭމްޕް ނޯގައި އެންމެ ފަހުން ކުޅުނު މެޗު ނިމުނީ ލަނޑެއް ނުޖެހި ދެ ޓީމް އެއްވަރުވެގެންނެވެ. އަނެއްކޮޅުން ރިއާލްގެ ދަނޑުގައި ކުޅުނު މެޗުން މިދިޔަ މާރިޗު މަހު ރިއާލްވަނީ ދެ ލަނޑު ސުން ލަނޑުން މޮޅުވެފައެވެ.
ކޮވިޑާ ގުޅިގެން އަޅާފައިވާ ރައްކާތެރިކަމުގެ ފިޔަވަޅުތަކުގެ ތެރެއިން މިރޭގެ މެޗުވެސް ކުޅެވޭނީ ސަޕޯޓަރުން ނުވައްދައި، ހުސް ސްޓޭޑިއަމްގައެވެ.
