ފުލުހުން އާންމުކޮށްފައިވާ ސީސީޓީވީ ފޫޓޭޖްގައި އޮކްޓޯބަރު 22 ވީ ބުރާސްފަތި ދުވަހުގެ 09:00 އާއި 10:00 އާ ދެމެދު ރަސްފަންނު މޫދާ ދިމާއަށް، އުމުރުން 31 އަހަރުގެ، ގދ. ވާދޫ، ރިމެމްބާކަދާވަޑު، ސިދުރަތުﷲ ހިނގާފައި ދާ މަންޒަރު ފެނެއެވެ.
ސީސީޓީވީ ފޫޓޭޖް އާންމުކުރަމުން ފުލުހުން ވަނީ، އެވަގުތު އޭނާ އާއި ބައްދަލުވި، ނުވަތަ ފެނުނު މީހަކު ވާނަމަ ނުވަތަ މި ހާދިސާއާ ގުޅޭ އެއްވެސް މައުލޫމާތެއް ލިބިފައިވާ ފަރާތެއްވާނަމަ ފުލުހުންގެ އިމަޖެންސީ ނަންބަރު 119 ނުވަތަ ސީރިއަސް އެންޑް އޯގަނައިޒްޑް ކްރައިމް ޑިޕާރޓްމަންޓުގެ ނަންބަރު 9911099 އަށް ގުޅުއްވައި މައުލޫމާތު ހިއްސާކޮށްދެވަން އެދިފައެވެ.
ރަސްފަންނު މޫދު ސަރަހައްދުން ސިދުރަތުﷲ މަރުވެފައި އޮއްވާ ފެނުނު އިރު އޭނާގެ މޫނުމަތީގައި ބޮޑެތި އަނިޔާތަކެއް ލިބިފައިވާކަމަށް މީގެކުރިން ވަނީ އަޑުފެތުރިފައެވެ.
ފުލުހުންގެ އިތުރުން މިމައްސަލަ މިހާރި އަންނަނީ ހިއުމަން ރައިޓްސް ކޮމިޝަނުންވެސް ތަހުގީގު ކުރަމުންނެވެ.