ބަޖެޓް ބަހުސްގައި ވާހަކަދައްކަވަމުން ސިޔާމް ވިދާޅުވީ ވަކި ގައުމަކީ ރަނގަޅު ނޫން ގައުމެއްގެ ގޮތުގައި ހީވާ ގޮތަކަށް މަޖިލީހުގެ ރައީސް އަދި މަޖިލީހުގެ އެއްވެސް މެންބަރަކުވެސް ވާހަކަދެއްކުމަކީ އެއްވެސް ގޮތަކަށް ކޮށްގެންވާނެ ކަމެއް ނޫންކަމަށާއި އެގޮތަށް ކަންތައް ކުރާނަމަ މުޅި ގައުމު ހަލާކުވެގެން ހިނގައިދާނެ ކަމަަށެވެ.
ސިޔާމް ވިދާޅުވީ އިންޑިއާ އާއި އެމެރިކާ އަދި ހުރިހާ ގައުމަކީ ވެސް މުހިންމު ގައުމެއް ކަމަށާއި ވަކި ގައުމަކާއި ޖައްސާލައިގެން އުޅެގެން ފައިދާއެއް ނެތްކަމަށެވެ.
އަދި އަމިއްލަ ސަލާމަތްކަން ދަންނަންޖެހޭކަމަށާއި ތިމާގެ ބާރާއި އިއްޒަތް އޮތުމުން ބޮޑެތި ގައުމުތަކާއި ދޭތެރޭގައި ހިތަށް އަރާ އެއްޗެއް ބުނެލަން ބޭނުންވުމުން ބުނެވިގެން ނުވާނެކަމަށް ސިޔާމް ވިދާޅުވިއެވެ.
ސިޔާމް ވަނީ ހާއްސަކޮށް ޗައިނާއާއި ދެމެދު އޮންނަ ގުޅުން މިހާރަށް ވުރެ ރަނގަޅަށް ބަދިހިކުރުމަށް މަޖިލީހަށާއި ސަރުކާރަށް ގޮވާލާފަ އެވެ.
ޗައިނާއަކީ ވަރަށް ގިނަ ކަންތައްތައް ކޮށްދީފައިވާ ވަރަށް ގިނަ ލޯންތައް ދީފައިވާ ގައުމެއް ކަމަށާއި އެ ލޯންތައް ދީފައިހުރީ ކުދިކުދި އަދަދުތަކުން ކަމަށް ސިޔާމް ވިދާޅުވިއެވެ.
