މިއަދު ޓޫރިޒަމް މިނިސްޓްރީގެ އޮފީހުގައި މިނިސްޓަރު ޑރ. މައުސޫމް އާއި ސިންގަޕޫރަށް ކަނޑައަޅުއްވާފައިވާ ސަފީރު ޝަހީބު ބައްދަލުކުރައްވައި ދެއްކެވި ވާހަކަފުޅުގައި، ފަތުރުވެރިކަމާއި ބެހޭ ކަންތައްތަކުގައި ސިންގަޕޫރުގައި ހުންނަ ރާއްޖޭގެ ހައި ކޮމިޝަނާއި ޓޫރިޒަމް މިނިސްޓްރީ ގުޅިގެން ކުރެވޭނެ މަސައްކަތްތަކަށް އަލި އަޅުއްވާލެއްވި އެވެ.

ދެ ބޭފުޅުން ބައްދަލުކުރައްވައި އިތުރަށް ދެއްކެވި ވާހަކަފުޅުގައި ޓޫރިޒަމް މިނިސްޓްރީ އާއި ސިންގަޕޫރުގައި ހުންނަ ހައި ކޮމިޝަނުން ރާއްޖޭގެ ފަތުރުވެރިކަން ކުރި އެރުވުމަށްޓަކައި، ފަތުރުވެރިކަމާއި ގުޅުން ހުރި ކަންތައްތަކުގައި އެއްބާރުލުން ދެއްވާނެ ކަމަށް ވަނީ ވިދާޅުވެފަ އެވެ.