ގދ. ތިނަދޫ އިންޖީނުގޭގެ އިންޖީނަކަށް ދިމާވި ޓެކްނިކަލް މައްސަލައެއްގައި ރޭ ދަންވަރު 3:15 އިން ފެށިގެން އެރަށުން ކަރަންޓު ގޮސްފައިވާއިރު އެ މައްސަލަ ހައްލުކޮށް އަލުން ކަރަންޓުގެ ހިދުމަތް ފޯރުކޮށް ދިނުމަށް މަސައްކަތް ކުރަމުން އަންނަ ކަމަށް ފެނަކަ އިން މިއަދު ބުނެފިއެވެ.

ގދ. ތިނަދޫ އިންޖީނުގޭގެ އިންޖީނަކަށް ދިމާވި ޓެކްނިކަލް މައްސަލައެއްގަ ރޭ ދަންވަރު 3:00 ހާއިރު އެ ރަށުން ވަނީ ކަރަންޓު ގޮސްފައެވެ. އެރަށުން މައުލޫމާތުދިން ބައެއް ފަރާތަތުން ބުނި ގޮތުގައި ކަރަންޓު ކެނޑުމުގެ ކުރިން އިންޖުގޭ ތެރެއިން "ގޮވުމެއް" ގޮވިކަމަށަށެވެ.

އެރަށުގެ އިންޖީންގެޔަކީ ކުރިންވެސް އަލިފާނުގެ ހާދިސާއެއް ހިގާފައިވާ އިންޖީނުގެއެކެވެ. އަދި އެ ހާދިސާގެ ފަހުން ތިނަދޫ އަށް ކަރަންޓުގެ މައްސަލަ ދިމާވާތާ ދުވަސްކޮޅެއް ވެފައިވާކަމަށް އެ ރަށުގެ ބައެއްފަރާތް ތަކުން މައުލޫމާތުދެއެވެ.