ފިޝަރީޒް، މެރިން ރިސޯސަސް އެންޑް އެގްރިކަލްޗާ މިނިސްޓްރީއިން ދޫނި ރޯގާ އުޅޭ ގައުމުތަކުން ރާއްޖެއަށް ދޫނި އެތެރެކުރުން މަނާކޮށްފައި މިވަނީ ރައްކާތެރިކަމުގެ ފިޔަވަޅެއްގެ ގޮތުންނެވެ. 

މިނިސްޓްރީން ބުނި ގޮތުގައި މިގޮތަށް ގެންނަ ދޫނިތަކުގެ ސަބަބުން ރާއްޖެއަށް އެބަލި އެތެރެވިޔަ ނުދިނުމަށްޓަކައި ދޫނި ރޯގާ ފެތުރޭ ގައުމުތަކުން ރާއްޖެއަށް ދޫނި އެތެރެކުރުން މަނާކޮށްފައިވާއިރު މީގެ ކުރިން ވެސް މިފަދަ ފިޔަވަޅުތައް އަޅާފައިވެ އެވެ. 

އިނގިރޭސިވިލާތާއި އަވަށްޓެރި އިންޑިއާގައި ވެސް ދޫނި ރޯގާ އަންނަނީ ފެތުރެމުންނެވެ. އެއާއެކު އެގައުމުތަކުން ވެސް ގިނަ ދޫނިތަކެއް މެރި އެވެ.