ކޮވިޑާ ގުޅިގެން އަޅާފައިވާ ރައްކާތެރިކަމުގެ ފިޔަވަޅުތަކުގެ ތެރެއިން މި މަހުގެ ކުރީކޮޅުން ފެށިގެން ދިވެހި ލީގުގެ ކުޅުންވަނީ މެދުކަނޑާލާފައެވެ. އަދި ލީގުގެ ކުޅުން އަލުން ފެށޭނެ ދުވަހެއް ކަނޑައެޅިގެން ނޭނގޭއިރު ހަމްޕުވެސް ހިމެނޭ ގޮތަށް ފުޓްބޯޅަ ކުޅުންތެރިން އަންނަނީ ކުޅުން އަލުން ފެށުމުގެ އިންތިޒާމްތައް އަލުން ހަމަ ޖައްސައިދިނުމަށް ކަމާ ބެހޭ ފަރާތްތަކަށް ގޮވާލަމުންނެވެ.

ކޮވިޑާ ގުޅިގެން ލީގުގެ ކުޅުން މެދުކަނޑާލިއިރު ލީގުގެ ދެވަނަ ބުރުގެ ކުޅުންވަނީ ފެށިފައެވެ. ކުއްލި ގޮތަކަށް އެޗްޕީއޭއިން އުސޫލުތައް ހަރުކަށި ކުރުމާ ގުޅިގެން ކުޅިވަރުގެ ހަރަކާތްތައް މެދުކަނޑާލަން ޖެހުމުން ފުޓްބޯޅަވެސް ވަނީ ހުއްޓިފައެވެ. ލޯކަލް މެޗުތައް މެދު ކަނޑާލާފައިވާއިރު، ގައުމީ ޓީމުން އަންނަ މަހު ކުޅެން ޖެހޭ މެޗުތައް އަންނަ ޖޫން މަހަށް އޭއެފްސީން ވަނީ ފަސްކޮށްފައެވެ.