މެއި ޖޫންގައި ބާއްވަން ހަމަޖެހިފައިވާ އޭއެލް އަދި އެޑެކްސަލް އިންތިހާނާ ބެހޭ ގޮތުން މައުލޫމާތު ދިނުމަށް އެޑިޔުކޭޝަނުން ބޭއްވި ނޫސްވެރިންގެ ބައްދަލުވުމުގައި މިނިސްޓަރު އައިޝަތު އަލީ ވިދާޅުވީ މިހާރު ހަމަ ޖެހިފައިވާ ގޮތުން ރާއްޖޭގައި ކިޔަވަމުންދާ ހުރިހާ ކުދިން މެއިޖޫންގައި އޭލެވެލް އަދި އޭއެސް އެގްޒާމްގައި ބައިވެރިވާނެއެވެ.
އެކުދިންގެ އިމްތިހާން ކަރުދާސްތައް ވެސް އެޑެކްސެލްއިން މާކްކުރާނެ ކަމަށާއި ސެޓްފިކެޓްތައް ވެސް ދޭނީ އެޑެކްސެލްއިން ކަމަށް މިނިސްޓަރު ހާމަކުރެއްވި އެވެ. ކުދިންގެ ނަތީޖާ މިހާރު ހަމަޖެހިފައިވާގޮތުން ލިބިގެން ދާނީ އޮގަސްޓު މަހުގެ 10ވަނަ ދުވަހު ކަމަށް ވެސް މިނިސްޓަރު ވިދާޅުވި އެވެ.
މީގެ އިތުރުން އެޑިއުކޭޝަން މިނިސްޓްރީގެ ޑެޕިއުޓީ މިނިސްޓަރު މުހައްމަދު އިހްސާން ވިދާޅުވީ ތިނެއް ފެބްރުއަރީގައި އެޑެކްސެލްއިން އޭއެސް އަދި އޭއެލް އެކްގްޒާމް ނޯންނާނެ ކަމަށް އިއުލާނުކޮށްފައިވާނެ ކަމަށެވެ.
އެހެން ނަމަވެސް އެއެސްމެންޓު އެހެން ގޮތަކަށް ކުރިއަށް ދާނެ ކަމަށް އެޑެކްސެލްއިން އިއުލާނުކޮށްފައިވާނެ ކަމަށެވެ.
ކުދިންގެ އޭލެވެވް އިމްތިހާނުތަކާ ގުޅޭގޮތުން އެޑެކްސެލްއާއެކީ މިނިސްޓްރީން ވަނީ އެދުވަހުން ފެށިގެން ވާހަކަތައް ފަށާފައި ކަމަށާއި އެއީ އެޑެކްސެލްއިން ކަނޑައަޅާފައިވާ ޓީޗާ ބޭސް އެސިސްމެންޓެއް ރާއްޖޭގެ ސްކޫލުތަކުގައި ބާއްވައިގެން އެވަރުގެ ބޮޑު އިމްތިހާނެއް ބޭއްވޭނެ ކަމަށް އެޑިޔުކޭޝަނުން ގަބޫލު ނުކުރައްވާތީ ކަމަށް ވެސް އިހްސާން ހާމަކުރެއްވި އެވެ.
އެޑިޔުކޭޝަނުން ވަނީ ކުދިންނަށް ކުރިން ވެސް އެގްޒާމް ގެންދާ ގޮތަށް ރާއްޖޭގައި އިމްތިހާނު ބޭއްވުމަށް އެޑެކްސެލްއާ މަޝްވަރާ ކުރައްވާފައި ކަމަށް ވެސް އިހްސާން ވިދާޅުވި އެވެ.
މިކަމާ ގުޅޭ ގޮތުން އެޑެކްޝެލްއާ އެކުގައި ފަސް ބައްދަލުވެއް ބޭއްވިއެވެ.