އެމެރިކާގެ ސީބީއެސް ނިއުސް އަށް ރޭ ދެއްވި އިންޓަވިއުގައި މޭގަން ވިދާޅުވެފައިވަނީ، އޭނާއަށް އެފަދަ ވިސްނުންތަކެއް އައިސްގެން އެހީއަށް އެދިވަަޑައިގެންނެވިކަމަށެވެ. ނަމަވެސް އެ އެހީތެރިކަން ވެސް ނުލިބުނުކަމަށެވެ.
މޭގަންއާއި އޭނާ އަމިއްލަ ނަފްސަށް އަނިޔާކުރަން ބޭނުވިތޯ ވެސް ސުވާލުކުރުމުން އޭނާވަނީ އެކަމަށް ވެސް އެބަސްވެފައެވެ.
ޝާހީ އާއިލާ ދޫކުރައްވައި ހެރީ އާއި މޭގަން ގެ ދެ ކަނބަލުން ވަޑައިގެންނެވީ ޝާހީ އާއިލާގެ ހުރިހާ ލަގަބެއް ވެސް ދޫކޮށްލާފައެވެ. އަދި އެއާއިލާގެ ރައުސްމާލުން ވެސް އެއްވެސް އެއްޗެއް ބޭނުން ނުވާކަމަށް ވަނީ ބުނެފައެވެ.
މިއީ އެމީހުން ޝާހީ ގަނޑުވަރުން ނުކުމެގެން ދިޔަ ފަހުން ދިން ފުރަތަމަ އިންޓަވިއުއެވެ.
މި އިންޓަވިއުގައި މޭގަން ބުނެފައިވަނީ، އެނާ ބަނޑުބޮޑު ދުވަސްވަރު ވެސް ބަނޑުގައި އޮތް ދަރިފުޅަށް ވަލީ އަހުދު ކަން ދޭން ބޭނުންނުވާކަމަށް ޝާހީ އާއިލާއިން ބުނެފައިވާކަމަށެވެ.
މޭގަން އާއި ހެރީ ވަނީ އެ އިންޓަވިގައި އިނގިރޭސިވިލާތުގެ ޝާހީ އާއިލާގެ މައްޗަށް ބޮޑެތި ތުހުމަތުތަކެއް ކުރައްވާފައެވެ.