މިފަދަ ގޮތެއް ހެދުމަށް ވެސް އިޔާޒު ވަނީ މަޖިލިސް މެންބަރުންނަށް އިލްތިމާސް ކޮށްފައެެވެ.
ޑރ. އިޔާޒް މިހެން ވިދާޅުވެފައި ވަނީ ސީއެންއެމްގެ އިތުރުކާފު ޕްރޮގްރާމްގައި ވާހަކަ ދައްކަވަމުންނެވެ.
އެގޮތުން މަޖިލިސް މެމްބަރުންނަކީ ގާނުނަށްވުރެ މަތީގައި ހުންނަން ޖެހޭ ބައެއް ނޫން ކަމަށް ޑރ. އިޔާޒް ވިދާޅުވިއެވެ އަދި ވަޒީރުންނާއި، މިނިވަން މުއައްސަސާތަކުގެ ބޭފުޅުން އަދި ފަނޑިޔާރުންނާއި މެދު ނޯ-ކޮންފިޑެންސް ވޯޓު ނެގޭއިރު، މަޖިލީހުގެ މެމްބަރުންނާ މެދުވެސް ފިޔަވަޅު އެޅެން ޖެހޭކަމަށެވެ.
ރައްޔިތުން މަޖިލީހުގައި ދީނީ ކަންކަމުގައި ލަފާ ދޭނެ ބޭފުޅެއް ހުންނަން ޖެހޭ ކަމަށް ޑރ. އިޔާޒް ވިދާޅުވިއެވެ.
މަޖިލީހުގައި އާޔަތެއް ނުވަތަ ހަދީޘެއް ނުބައިކޮށް ކީއްޖެ ހާލަތެއްގައި ނުވަތަ ދީނީ ގޮތުން ގޯސް އެއްޗެއް ވިދާޅުވެވިއްޖެ ހާލަތެއްގައި އެކަން ރަނގަޅު ކޮށްދޭން ދީނީ މީހަކު ހުރުން މުހިއްމުކަމަށް ޑރ. އިޔާޒް ފާހަގަ ކުރެއްވި އެވެ.
