ރާއްޖޭގެ މޫސުމާއި ބެހޭ ގައުމީ އިދާރާ (މެޓް) އިން ބުނީ، ލ. އަތޮޅުން އައްޑޫ ސިޓީއަށް ބޯކޮށް ވާރޭވެހުމާއެކު ގުގުރާނެ ކަމަށް ލަފާ ކުރެވޭ ކަމަށެވެ.
މެޓް އޮފީހުން ވައިޓް އެލާޓް ނެރެފައި ވަނީ މިރޭ 22:00 އިން ފެށިގެން ދަންވަރު 03:00 އާ ހަމައަށެވެ. އެގޮތުން، އެ ސަރަހައްދުތަކަށް ވިއްސާރަކުރުމާއެކު ގުގުުރާނެ ކަމަށާއި، އަދި ބޯކޮށް ވާރޭވެހުން އެކަށީގެން ވާ ކަމަށް ބުނެ އެވެ.
މިއަދުގެ މެންދުރު ވެސް މެޓުން ވަނީ ގއ. ފެށިގެން އައްޑޫސިޓީއަށް ވައިޓް އެލާޓް ނެރެފައެވެ. އެހެންނަމަވެސް ބޯކޮށް ވާރޭވެހުމާއިއެކު ގުގުރާނެ ކަމަށް ލަފާކޮށް މެންދުރު 12:00 އިން 16:00 އަށް ނެރެފައިވާ އެ އެލާޓުގެ މުއްދަތު ހަމަވިއިރު ވެސް އެ ސަރަހައްދައް މޫސުން ގޯސްވާނެ ކަމަށް ލަފާކުރެވޭތީ އެ މުއްދަތު ދިގުކޮށް ހަވީރު 16:30 ފެށިގެން ރޭގަނޑު 22:00 އަށް ވެސް ދަންމާލި އެވެ.
މެޓުން ބުނީ ކަނޑުތައް އާދައިގެ ވަރަކަށް މަޑުވެފައި ވިލާގަނޑުގައި އާދައިގެވަރަކަށް ގަދަ ވާނެ ކަމަށެވެ. ރާޅުގެ އުސްމިން އުޅޭނެ ކަމަށް ލަފާކޮށްފައިވަނީ، އެއް ފޫޓާއި ހަތަރު ފޫޓާއި ދެމެދުގައެވެ.
