ރޯދަ މަހާއި ޝައްވާލު މަހުގެ ފުރަތަމަ ހަތް ދުވަހު ފެމިލީ ކޯޓުން ކައިވެނިކޮށްދޭގޮތަށް ހަމަޖެހިފައިވަނީ، ސަރުކާރު ބަންދުނޫން ކޮންމެ ދުވަހެއްގެ ހެނދުނު 09:30 އިން މެންދުރު 12:30 އަށް ފެމިލީކޯޓުގައި އެކަނި ކަމަށް އެކޯޓުން ބުނެ އެވެ.
މި އަހަރުގެ ހުރިހާ ދުވަހެއްގައި ކައިވެނި ކޮށްދޭނެ ކަމަށް ފެމެލީ ކޯޓުން ވަނީ ބުނެފަ އެވެ.
އެގޮތުން ރަސްމީ ގަޑީގައި ކޯޓުގައި ކައިވެނި ކޮށްދޭނީ ހެނދުނު 8:30 އިން 11:30 އަށް އަދި މެންދުރުފަހު 13:00 އިން 13:45 އަށް ކަމަށް ފެމެލީ ކޯޓުން ބުނެއެވެ. އަދި ނުރަސްމީ ގަޑީ ކޯޓުގައި ކައިވެނި ކޮށްދޭނީ 16:00 އިން ފެށިގެން 21:30 އަށް ކަމަށް އެ ކޯޓުން ބުނެއެވެ.
ކޯޓުން ބޭރުގައި އާންމު ގޮތެއްގައި ކައިވެނި ކޮށްދޭނީ 16:00 އިން 21:30 އާއި ދެމެދު ކަމަށް ފެމެލީ ކޯޓުން ބުނެއެވެ. ނަމަވެސް އޭޕްރީލް 13 އިން މެއި 19 އަށް ކޯޓުން ބޭރުގައި ކައިވެނި ކޮށްދޭނީ ރޭގަނޑު 21:45 އިން 22:45 އަށް ކަމަށާއި، އަދި ޖުލައި 16 އިން ޖުލައި 27 އަށް ކޯޓުން ބޭރުގައި ކައިވެނި ކޮށްދޭނީ ރޭގަނޑު 20:00 އިން 21:00 އަށް ކަމަށް ފެމެލީ ކޯޓުން ބުނެއެވެ.
މި އަހަރުގެ ހުރިހާ ދުވަހެއްގައި ކައިވެނި ކޮށްދިނުމަށް ފެމެލީ ކޯޓުން ނިންމި ނިންމުމަކީ އަހަރުގެ ހުރިހާ ދުވަހެއްގައި ކައިވެނި ކޮށްދޭން ފެމިލީ ކޯޓުން ނިންމި ދެވަނަ ފަހަރެވެ