އެޗްޕީއޭއިން ބުނީ ފައިޒާ ވެކްސިން ޖެހުމަށް ޝަރުތު ފުރިހަމަވަނީ 16 އަދި 17 އަހަރުގެ ކުޑަކުދިންނާއި، އުމުުރުން 60 އަހަރުން މަތީގެ މީހުންކަމަށެވެ. އަދި ދިގުމުއްދަތައް ހިތުގެ ބަލިތަކަށް ފަރުވާކުރަމުން އަންނަ މީހުންނަށް ކަމަށެވެ. 

އެޗްޕީއޭއިން މިއަދު ބުނީ މާލޭ ސަރަހައްދުން ސޯސަލް ސެންޓަރުން ވެކްސިން ނުދޭނެކަމަށެވެ. އެހެންނަމަވެސް، ނެޝަނަލް އާޓް ގެލަރީ، ސެނެހިޔާ، ވިލިމާލޭ ޔޫތް ސެންޓަރު އަދި ހުޅުމާލޭ ވެކްސިން ސެންޓަރުން ވެކްސިން ޖެހޭނެކަމަށެވެ. 

ރާއްޖޭގައި ކޮވިޝީލްޑް، ސިނަފާމް ވެކްސިން ޖެހުމަށް މީގެ ކުރިން ވަނީ ހުއްދަ ދީފައެވެ. 

ވެކްސިންގެ ދެވަނަ ޑޯޒު ޖެހި މީހުންގެ އަދަދު މިހާރު އުޅެނީ 15،000 އިން މަތީގައެވެ. އަދި ވެކްސިންގެ ފުރަތަމަ ޑޯޒު 60 ޕަސަންޓަށްވުރެ ގިނަ މީހުން ވަނީ ޖަހާފައެވެ.