މިއަދު މަޖިލީހުގައި އެހި ވޯޓުގައި 48 މެމްބަރުން ވަނީ އެހުށަހެޅުމަށް ނޫނެކޭ ބުނެފައި ވާއިރު، އާއެކޭ ބުނީ 12 މެމްބަރުންނެވެ. އެހެން ކަމުން މި މައްސަލައަށް މިއަދުގެ މަޖިލީހުން ވަކި ގޮތެއް ނިންމާފައެއް ނުވެއެވެ.
މި މައްސަލައިގައި ގިނަ މެމްބަރުން ނޫނެކޭ ބުނެފައިވާއިރު، ފިނޭންސް މިނިސްޓްރީއިން ކުރާ ހަރަދުތަކާއި މެދު ބައެއް މެމްބަރުން ވަނީ ސުވާލު އުފައްދާފައެވެ.
އެގޮތުން މި މައްސަލައިގައި ބަހުސް ކުރަމުން، ފިނޭންސް މިނިސްޓަރުގެ އިތުބާރު ނެތް ކަމަށާއި، ފިނޭންސް މިނިސްޓަރުގެ ޒިންމާތައް ބަރާބަރަށް އަދާކުރަމުން ނުދާ ކަމަށް ވިލުފުށި ދާއިރާގެ މެމްބަރު ހަސަން އަފީފު ވަނީ އިއްޔެގެ މަޖިލީހުގައި ވިދާޅުވެފައެވެ.
ނަމަވެސް ކޮވިޑުގެ ހާލަތުން އަރައި ނުގަނެވިގެން އުޅޭތީ ފިނޭންސް މިނިސްޓަރު އެދިވަޑައިގެންފައިވާ ގޮތަށް ކަންތައް ކުރަން ފެންނަ ކަމަށާއި، ނަމަވެސް ކުރާ ހުރިހާ ހަރަދެއް މަޖިލީހަށް ގެނެސްގެން ނަމަވެސް ބަލަން ޖެހޭ ކަމަށް އަފީފު ވިދާޅުވިއެވެ.