ބްރެޒިލްއާ ވެނެޒުއާލާގެ މެޗުން ބްރެޒިލް މޮޅުވީ ތިން ލަނޑު ސުން ލަނޑުންނެވެ. ބްރެޒިލްގެ ލަނޑުތައް ޖަހައިދިނީ، މާކުއީނިއޯސް، ނޭމާ އަދި ގަބްރިއެލް ބާބޯސާއެވެ. މީގެ ތެރެއިން ނޭމާގެ ލަނޑަކީ ޕެނަލްޓީއެކެވެ. ތިން ލަނޑު ސުން ލަނޑުން ވެނެޒުއެލާގެ މައްޗަށް ބްރެޒިލް ކުރި ހޯދިއިރު، ވެނެޒުއެލާއަށް ރޭގެ މެޗުގައިވަނީ ކޮވިޑުގެ ސަބަބުން މައްސަލަތަކެއް ދިމާވެފައެވެ. ވެނެޒުއެލާ ޓީމުގެ އަށް ކުޅުންތެރިން ހިމެނޭ ގޮތަށް ޖުމްލަ ބާރަ މެންބަރަކު ކޮވިޑަށް ޕޮޒިޓިވްވެފައިވެއެވެ.
މުބާރާތް ކުރިއަށްދަނީ ބްރެޒިލްގައެވެ. ބްރެޒިލްއަކީ ފުރަތަމަ މި މުބާރާތް މި ފަހަރު ބާއްވަން ނިންމި ގައުމުތަކުގެ ތެރެއިން ގައުމެއް ނޫނެވެ. އެހެންނަމަވެސް ކޮވިޑާ ހެދި އާޖެންޓީނާ އަދި ކޮލަމްބިއާގައި މުބާރާތް ކުރިއަށް ގެންދެވޭނެ ގޮތް ނުވީއެވެ. ކުރިން އޮތީ އެ ދެ ގައުމުގައި މުބާރާތް ކުރިއަށް ގެންދާށެވެ.
