އެޗްޕީއޭއިން ވަނީ އޭނާގެ މަރު ކޮވިޑްގެ މަރެއް ކަމަށް މެންދުރު އިއުލާނު ވެސް ކޮށްފައެވެ.

ނަމަވެސް ފަހުން އެޗްޕީއޭއިން ކުރި ޓްވީޓުގައި ބުނީ އިތުރަށް ބަލައި ކުރި ތަހުލީލުތަކުން، އޭނާ މަރުވީ ކޮވިޑް-19ގެ ސަބަބުން ނޫން ކަން ހާމަވެފައިވާ ވާތީ އެމީހާގެ މަރަކީ ކޮވިޑް މަރެއް ނޫން ކަމަށް ނިންމާފައިވާ ކަމަށެވެ.

މިއަދު ހެނދުނު 11:19 ހާއިރު މަރުވެފައިވަނީ އުމުރުން 55 ވަަނަ އަހަރުގެ ދިވެހި އަންހެނެކެވެ.

މި މީހާގެ މަރަކީ ކޮވިޑް މަރެއް ނޫން ކަމަށް ކަނޑައެޅުމާއެކު، ރާއްޖެއިން ކޮވިޑް ޖެހިގެން މިހާތަނަށް މަރުވި މީހުންގެ އަދަދަކީ 197 އެވެ.

ކޮވިޑް-19 ޖެހިގެން ރާއްޖެއިން މިހާތަނަށް އެއް ދުވަހުގެ ތެރޭގައި އެންމެ ގިނަ މީހުން މަރުވީ މިދިޔަ މެއި މަހުގެ 24 ވަނަ ދުވަހުއެވެ. އެ ދުވަހު 13 މީހަކު ވަނީ ކޮވިޑު ޖެހިގެން މަރުވެފައެވެ.