ޝިރާނީ ވަނީ އޭނާގެ މިޒާޖާއި ކުޑަ އިރުގެ ބައެއް ހަނދާންތަށް ޕްރޮގްރާމަކަށް ދިން އިންޓަވިއުއެއްގައި ހިއްސާކޮށްފައެވެ.
އޭނާގެ މިޒާޖާ ގުޅޭގޮތުން ޝިރާނީ ބުނީ އޭނާއަކީ ވަރަށް "ފްރެންޑްލީ" މީހެއް ކަމަށާއި ކޮންމެ މީހަކު ފެނުނަސް ވަރަށް ވާހަކަ ދައްކައި މަޖާކޮށް ހަދާ މީހެއް ކަމަށެވެ. އޭނާއަކީ ވަރަށް އަނގަވެސް ގަދަ މީހެއް ކަމަށް ޝިރާނީ ބުންޏެވެ. އަދި ރުޅި އަރުވާލަންވެސް އެހާ ފަސޭހަ ނުވާނެ ކަމަށް ބުންޏެވެ.
ގިނަ ކުދިންނެކޭ އެއްފަދައިން ޝިރާނީއަކީ ވެސް ކުޑައިރު ވަރަށް ލާނެއް ކުއްޖެއް ކަމަށް އޭނާ ބުންޏެވެ. އަދި އޭނާ ވަނީ ކުޑައިރު ކުރި ބައެއް ލާނެއް ކަންކަން ހިއްސާކޮށްފައެވެ.
ޝިރާނީ އިތުރަށް ބުނީ އޭނާ އެންމެ ފުރަތަމަ ފިލްމު ކުޅޭ ވިސްނުން ނެތް ކަމަށާއި، އޭރު ޝައުގު ހުންނަނީ ނެށުމަށާއި ލަވަކިޔުމަށް ކަަމަށެވެ.
ޝިރާނީ ފިލްމު ކުޅުން ހުއްޓާލުންވީ އޭނާގެ ސަޕޯޓަރުންނަށް ވަރަށް ހިތާމަވެރި ހަބަރަކަށެވެ.
